ఔను నేను కాపాలదారుడినే .. సాంగ్ విడుదల చేసిన మోదీ ..వీడియో

న్యూఢిల్లీ : సార్వత్రిక ఎన్నికల సమరంలో రాజకీయ పార్టీలు తమ వ్యుహాలతో ముందుకెళ్తున్నాయి. ప్రచారాన్ని కొత్త పుంతలు తొక్కిస్తున్నాయి. ఓటర్లను కలువడమే కాదు .. సోషల్ మీడియాలో ప్రకటనలు, వీడియోలు, పోస్టులతో హోరెత్తిస్తున్నాయి. తాజాగా ప్రధాని మోదీ ఓ వీడియోను విడుదల చేశారు.

కాపాలదారుడినే ..

రాఫెల్ యుద్ధ విమానాల కేటాయింపులో కోట్లు చేతులు మారాయని, ప్రధాని మోదీ అనిల్ అంబానీకి మేలు చేశారని కాంగ్రెస్ అధ్యక్షుడు రాహుల్ గాంధీ విమర్శల ప్రక్రియ కొనసాగుతోంది. దేశానికి కాపాలాగా ఉంటానన్న మోదీ దొంగలతో చేతులు కలిపారని మండిపడ్డారు. ఈ క్రమంలో ప్రధాని మోదీ ప్రతీసారి కౌంటర్ ఇస్తూనే వస్తున్నారు. ఇవాళ 3.45 నిమిషాల నిడివిగల వీడియో సాంగ్ను విడుదల చేశారు.

Your Chowkidar is standing firm & serving the nation.

But, I am not alone.

Everyone who is fighting corruption, dirt, social evils is a Chowkidar.

Everyone working hard for the progress of India is a Chowkidar.

Today, every Indian is saying-#MainBhiChowkidar

— Narendra Modi (@narendramodi) March 16, 2019

#MainBhiChowkidar పేరుతో ట్వీట్

ప్రధాని మోదీ #MainBhiChowkidar పేరుతో ట్వీట్ చేశారు. ఈ వీడియోలో బ్లాక్ గ్రౌండ్ పాట ప్లే అవుతోండగా .. మోదీ ప్రజలతో కలిసి నిర్వహించిన ర్యాలీలతో విజువల్ ఉంటుంది. అన్నివర్గాలు, వారి వృతులకు సంబంధించి సాంగ్ లో పొందుపరిచారు. యువత, స్వచ్ఛ భారత్ లాంటి అంశాలను ప్రత్యేకంగా ప్రస్తావించారు. దేశంలో అవినీతిని అంతమొందించేందుకు అవిశ్రాంతంగా శ్రమిస్తున్నానని పేర్కొన్నారు. ఈ వీడియాలో ప్రధానంగా నేను కాపాలదారుడినే అని మోదీ చెబుతారు. 'మీకు హామీ ఇస్తున్నా, మీ కాపాలదారుడు నిరంతరం అప్రమత్తంగా ఉంటాడు‘ అని మోదీ సందేశం ఉంటుంది.

2014 నుంచి వెలుగులోకి కాపాలదారు ..

గత సార్వత్రిక ఎన్నికల నుంచి చౌకీదార్, ప్రధాన్ సేవక్ పదాలు వెలుగులోకి వచ్చాయి. ఎన్నికల్లో ఇవే ప్రధానాంశాలుగా ప్రస్తావించి .. అధికారం చేపట్టేందుకు దోహదం చేసింది. బహిరంగ సభలు, సోషల్ మీడియాలో విసృతంగా ప్రచారం చేసి .. నేను మీ కాపాలదారుడినని, సేవకుడినని చెప్పుకున్నారు మోదీ. రాఫెల్ యుద్ధ విమానాల కేటాయింపు సందర్భంగా ప్రధాని మోదీపై చౌకీదార్ మాటలనే కాంగ్రెస్ ప్రయోగించింది. కాపాలదారుడే దొంగలతో కలిసిపోయాడని రాహుల్ గాంధీ పదే పదే విమర్శలు చేస్తున్న సంగతి తెలిసిందే. ఈ క్రమంలోనే తాను దేశానికి కాపాలదారుడినని చెప్పేందుకు మోదీ ఈ వీడియో సాంగ్ రిలీజ్ చేశారు.

English summary

prime Minister Narendra Modi on Saturday tweeted a video with hashtag #MainBhiChowkidar and launched campaign for upcoming Lok Sabha election. The video, tweeted at 9 am on Saturday, is a song which shows Prime Minister Narendra Modi in public rallies, inside a battle tank and more.