గిన్నిస్ రికార్డు: నరేంద్ర మోడీ సూటు రూ 4.31 కోట్లు

న్యూఢిల్లీ: ప్రధాని నరేంద్ర మోడీ ధరించిన సూటు గిన్నిస్ బుక్ రికార్డుల్లోకి ఎక్కింది. వేలంలో అత్యధిక ధర పలికిన సూటుగా గిన్నిస్ రికార్డులో నమోదు అయ్యింది. ఈ మేరకు గిన్నిస్ బుక్ నిర్వహకులు అధికారికంగా సర్టిఫికెట్ జారీ చేశారు.

నరేంద్ర మోడి ధరించిన సూటు రూ 4,31,31,311 అమ్ముడైయ్యిందని వెల్లడించింది. విదేశాల్లో నివసిస్తున్న రమేష్ విరాణి అనే వ్యాపారవేత్తకు ఓ ఆలోచన వచ్చింది. నరేంద్ర దామోదర్ దాస్ మోడీ పేరు కనిపించేలా ఓ సూటు తయారు చేయించాలని అనుకున్నాడు.

అదేవిధంగా చక్కటి సూటు తయారు చేయించి నరేంద్ర మోడీకి బహుమతిగా ఇచ్చారు. అమెరికా అధ్యక్షుడు బరక్ ఒబామా భారత్ పర్యటనకు వచ్చిన సందర్బంలో నరేంద్ర మోడీ ఆ సూటు ధరించారు.

ఖరీదైన సూటు ధరించారని నరేంద్ర మోడీపై అప్పట్లో ప్రతిపక్షాలు తీవ్రస్థాయిలో విరుచుకుపడ్డాయి. వ్యాపారవేత్త రమేష్ విరాణి రూ. 11 లక్షల వ్యయంతో తయారు చేయించిన సూటును వేలం పెట్టారు.

గుజరాత్ కు చెందిన లాల్జీభాయ్ తులసిబాయ్ పటేల్ అనే ఆయన 2015 ఫిబ్రవరి 20వ తేదిన సూరత్ లో జరిగిన వేలంలో నరేంద్ర మోడీ సూటును రూ 4.31 కోట్లకు దక్కించుకున్నారు. ఇప్పుడు ఇదే అత్యధిక సూటు ధర అని గిన్నిస్ బుక్ లో చోటు దక్కించుకుంది.

English summary

Prime Minister Narendra Modi’s famous ‘name-striped’ suit went under the hammer for a staggering Rs 4.31 crore at a charity auction.