• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

నాథూరామ్ గాడ్సే ఓ గొప్ప దేశ‌భ‌క్తుడు: పెట్రోల్ పోసిన‌ సాధ్వి ప్ర‌జ్ఞాసింగ్

|
    నాథూరామ్ గాడ్సే ఓ గొప్ప దేశ‌భ‌క్తుడు... పెట్రోల్ పోసిన‌ సాధ్వి ప్ర‌జ్ఞాసింగ్ || Oneindia Telugu

    భోపాల్‌: సార్వ‌త్రిక ఎన్నిక‌ల ప్ర‌చారం చివ‌రి ద‌శ‌కు వ‌చ్చేసరికి విచిత్ర‌మైన మ‌లుపులు తీసుకుంటోంది. అనూహ్య ప‌రిణామాల‌కు కేంద్ర బిందువు అవుతోంది. ఈ నెల 19వ తేదీన మొత్తం 59 లోక్‌స‌భ నియోజ‌క‌వ‌ర్గాలకు పోలింగ్ నిర్వ‌హించ‌నున్నారు. ఈ 59 నియోజ‌క‌వ‌ర్గాల్లో మెజారిటీ స్థానాలను ద‌క్కించుకోవ‌డానికి అన్ని పార్టీలూ వివాదాస్ప‌ద వ్యాఖ్య‌ల‌కు తెర తీస్తున్నాయి. తాజాగా- ఎన్నిక‌ల ప్ర‌చార కార్య‌క్ర‌మాలు జాతిపిత మ‌హాత్మాగాంధీని కాల్చి చంపిన నాథూరామ్ గాడ్సే చుట్టూ తిరుగుతున్నాయి.

    స్వ‌తంత్ర భార‌త‌దేశంలో మొట్ట‌మొద‌టి ఉగ్ర‌వాది ఓ హిందువేన‌ని, ఆయ‌న పేరు నాథూరామ్ గాడ్సే అని మ‌క్క‌ళ్ నీథి మ‌య్యం వ్య‌వ‌స్థాప‌క అధ్య‌క్షుడు క‌మ‌ల్ హాస‌న్ అగ్గి రాజేశారు. ఈ అగ్గి చ‌ల్లార‌క ముందే- అందులో పెట్రోల్ పోసింది భార‌తీయ జ‌న‌తాపార్టీ. నాథూరామ్ గాడ్సే ఉగ్ర‌వాది కాద‌ని, ఆయ‌న ఓ గొప్ప దేశ‌భ‌క్తుడ‌ని ఆ పార్టీ నాయ‌కురాలు, ఆ పార్టీ భోపాల్ బీజేపీ లోక్‌స‌భ అభ్య‌ర్థిని సాధ్వి ప్ర‌జ్ఞాసింగ్ ఠాకూర్ కితాబిచ్చారు. దీనిపై అటు కాంగ్రెస్ స‌హా, బీజేపీయేత‌ర పార్టీల‌న్నీక‌త్తులు నూరుతున్నాయి.

     Pragya Singh Thakur says Nathuram Godse was Deshbhakt

    ఎన్నిక‌ల ప్ర‌చారంలో భాగంగా- భోపాల్ లోక్‌స‌భ నియోజ‌క‌వ‌ర్గంలో సాధ్వి ప్ర‌జ్ఞాసింగ్ ప్ర‌స్తుతం రోడ్‌షో నిర్వ‌హిస్తున్నారు. ఈ సంద‌ర్భంగా ఓ విలేక‌రి అడిగిన ప్ర‌శ్న‌కు ఆమె బ‌దులిచ్చారు. నాథూరామ్ గాడ్సేను ఉగ్ర‌వాదిగా చెబుతున్నారని, భోపాల్ లోక్‌స‌భ కాంగ్రెస్ అభ్య‌ర్థి దిగ్విజ‌య్ సింగ్ కూడా ఈ విష‌యాన్ని బ‌ల‌ప‌రిచార‌ని ఆయ‌న ప్ర‌జ్ఞాసింగ్ వ‌ద్ద ప్ర‌స్తావించారు. దీనిపై ఆమె బ‌దులిస్తూ- నాథూరామ్ గాడ్సే దేశ‌భ‌క్తుడ‌ని అన్నారు. దేశ‌భ‌క్తుడిలా చ‌రిత్ర‌లో స్థానం సంపాదించుకున్నార‌ని చెప్పారు. ఆయ‌న‌ను ఉగ్ర‌వాదిగా గుర్తించిన వారికి ఈ ఎన్నిక‌ల్లో గుణ‌పాఠం చెబుతామ‌ని ఆమె ధీమా వ్య‌క్తం చేశారు.

    నాథూరామ్ గాడ్సే ఓ ఉగ్ర‌వాది అంటూ ప్ర‌క‌టించిన క‌మ‌ల్‌హాస‌న్ ప్ర‌స్తుతం తీవ్ర నిర‌స‌న‌ల‌ను ఎదుర్కొంటున్న విష‌యం తెలిసిందే. ఆయ‌నపై గుర్తు తెలియ‌ని వ్య‌క్తులు చెప్పులు కూడా విసిరారు. క‌మ‌ల్‌హాస‌న్‌పై కేసులు కూడా న‌మోద‌య్యాయి. ఈ నేప‌థ్యంలో- తాజాగా ప్ర‌జ్ఞాసింగ్ ఠాకూర్ చేసిన ఈ ప్ర‌క‌ట‌నను బీజేపీయేత‌ర పార్టీలు ఎన్నిక‌ల ప్ర‌చారాస్త్రంగా మార్చుకోవ‌డం ఖాయంగా క‌నిపిస్తోంది.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    BJP Bhopal Lok Sabha Candidate Pragya Singh Thakur says 'Nathuram Godse was a 'deshbhakt', is a 'deshbhakt' and will remain a 'deshbhakt'. People calling him a terrorist should instead look within, She says. Such people will be given a befitting reply in these elections, Pragya Singh added.
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more