'నా ఆశీర్వాదంతోనే ప్రియాంక స్టార్‌గా ఎదిగింది'

లక్నో: సమాజ్‌వాదీ పార్టీ అధినేత ములాయం సింగ్‌ యాదవ్‌ మంగళవారం సఫాయ్ ఫెస్టివల్‌లో పాల్గొన్నారు. ఈ సందర్భంగా ఆయన ఆశ్చర్యకర వ్యాఖ్యలు చేశారు. తన ఆశీస్సుల వల్లే ప్రియాంక చోప్రా బాలీవుడ్‌లో పెద్ద స్టార్ అయిందని ఆయన వ్యాఖ్యానించారు.

మంగళవారం ఉత్తరప్రదేశ్‌లోని ఇటావాలో జరిగిన సఫాయ్ ఫెస్టివల్‌లో పాల్గొన్న ములాయం సింగ్ యాదవ్ మాట్లాడుతూ ప్రియాంక చోప్రా ఈ ఫెస్టివల్‌కు మూడు సార్లు హాజరైందని చెప్పారు. బరేలీలో ప్రియాంక చోప్రా విద్యార్ధినిగా ఉన్నప్పుడు ప్రియాంక తండ్రి ఆర్మీలో పనిచేసేవారు.

'తాను ఆ సమయంలో కేంద్ర రక్షణ మంత్రిగా ఉన్నాను. అప్పుడు వారు తనను కలిశారని, ఆ సమయంలో పెద్ద హీరోయిన్‌ కావాలని ప్రియాంకాను నేను ఆశీర్వదించా ను. ఆ ఆశీస్సుల వల్లే ఆమె ఈ రోజు ఇంతపెద్ద స్టార్‌ అయింది' అని తెలిపారు. మాధురీ దీక్షిత, అమితాబ్‌ బచ్చన్‌ వంటి చాలా మంది స్టార్లను తానే సఫాయ్ పెస్టివల్‌కు తీసుకువచ్చానని తనను తాను పొగుడుకున్నారు.

నటించడం ఓ కళ అని, కాబట్టి హీరో, హీరోయిన్లను గౌరవించాలని ములాయం ప్రజలను కోరారు. ములాయం సింగ్ యాదవ్‌కు బాలీవుడ్‌తో చాలా అవినాభావ సంబంధం ఉంది. ప్రతి ఏడాది ఉత్తరప్రదేశ్ ప్రభుత్వం ఘనంగా నిర్వహించే సఫాయ్ ఫెస్టివల్ కార్యక్రమానికి బాలీవుడ్ స్టార్లు హాజరవుతూనే ఉంటారు.

English summary

It is no hidden fact that Samajwadi Party chief Mulayam Yadav is a big fan of Bollywood. And this is the reason, every year influx of Bollywood celebrities are seen performing at the Saifai fest. Mulayam, who joined the Saifai festival on Tuesday couldn't stop himself from talking about Bollywood actors. "So many people gathered here to catch a glimpse of Bollywood actors. This is no less than an art," Yadav quoted.