మార్కులు కావాలంటే ముద్దు,ప్రోఫెసర్ వేధింపులు, ఎక్కడంటే?
ముంబై: పరీక్షల్లో మంచి మార్కులు కావాలంటే నాకు ఒక ముద్దు ఇవ్వు లేకపోతే ఈ పరీక్షలో నిన్ను ఫెయిల్ చేస్తానని ఓ జూనియర్ కాలేజీ ప్రోఫెసర్ విద్యార్ధినిని వేధించాడు. అయితే బాధిత విద్యార్ధిని పోలీసులను ఆశ్రయించడంతో నిందితుడిని అరెస్ట్ చేశారు.
ముంబై నగరంలోని ఓ ప్రముఖ కాలేజీలో ఓ విద్యార్ధిని కామర్స్ చదువుతోంది. అయితే పరీక్షలో మంచి మార్కులు కావాలంటే ముద్దు ఇవ్వాలని ప్రోఫెసర్ డిమాండ్ చేశారు. గట్కోపార్ పోలీసులిచ్చిన సమాచారం మేరకు ప్రోఫెసర్ డిమాండ్తో ఆ విద్యార్ధిని డిప్రెషన్లోకి వెళ్ళిపోయింది.
కాలేజీ నుండి ఇంటికి వచ్చిన తమ కూతురు ప్రవర్తన కారణంగా తల్లిదండ్రులు ఆరా తీయడంతో అసలు విషయం వెలుగు చూసింది సోషల్ మీడియాలో ఈ విషయం మరింత పెద్దదిగా మారింది. దీంతో విద్యార్ధుల తల్లిదండ్రులు పోలీస్ స్టేషన్కు చేరుకొన్నారు.
ఈ సంఘటన మార్చి 8న జరిగిందని బాధిత విద్యార్ధిని వెల్లడించింది. బాధిత విద్యార్ధిని తల్లిదండ్రులు ఫిర్యాదు చేసింది. పోస్కో చట్టం కింద కేసు నమోదు చేసి పోలీసులు దర్యాప్తు చేశారు.