మహిళా కానిస్టేబుల్ స్నానం చేస్తుండగా.. ఆ కానిస్టేబుల్ ఏం చేశాడంటే..
ఓ మహిళా కానిస్టేబుల్ స్నానం చేస్తుండగా ఆ దృశ్యాన్ని తన మొబైల్ ఫోన్ ద్వారా వీడియో తీసిన కానిస్టేబుల్ ఉదంతమిది. ఈ ఘటన సోమవారం పూణేలో చోటుచేసుకుంది.
పూణే: ఓ మహిళా కానిస్టేబుల్ స్నానం చేస్తుండగా ఆ దృశ్యాన్ని తన మొబైల్ ఫోన్ ద్వారా వీడియో తీసిన కానిస్టేబుల్ ఉదంతమిది. ఈ ఘటన సోమవారం పూణేలో చోటుచేసుకుంది. మహిళా కానిస్టేబుల్ ఫిర్యాదు మేరకు పోలీసులు నిందితుడిని అరెస్టు చేశారు.
వివరాల్లోకి వెళితే... చత్రుష్రుంగి పోలీసు స్టేషన్ పరిధిలో నివసిస్తున్న ఓ మహిళా కానిస్టేబుల్ సోమవారం ఉదయం తన ఇంటి బాత్రూంలో స్నానం చేస్తోంది. అదే ప్రాంతంలో కానిస్టేబుల్ సమీర్ పటేల్ కూడా నివసిస్తున్నాడు.
ఆ బాత్రూంకి ఉన్న కిటికీలోంచి అతడు ఆమె స్నానం చేస్తున్న దృశ్యాన్ని తన మొబైల్ ఫోన్ ద్వరా వీడియో తీయసాగాడు. ఇది గమనించిన మహిళా కానిస్టేబుల్ అతడ్ని గద్దించడమే కాక వాగ్వివాదానికి దిగింది.
ఈ నేపథ్యంలో సమీర్ కుటుంబ సభ్యులు మహిళా కానిస్టేబుల్ తో గొడవపడడమే కాక ఆమెపై దాడికి దిగారు. ఈ దాడిలో గాయపడిన ఆమె ఆసుపత్రిలో చికిత్స చేయించుకుని అనంతరం చత్రుష్రుంగి పోలీస్ స్టేషన్లో ఫిర్యాదు చేసింది.
ఆమె ఫిర్యాదు మేరకు ఖడక్ పోలీసుస్టేషన్ లో విధులు నిర్వర్తిస్తున్న కానిస్టేబుల్ సమీర్ పటేల్ ను అరెస్టు చేసినట్లు సీఐ దయానంద్ ధోమ్ తెలిపారు. దీంతోపాటు మహిళా కానిస్టేబుల్ పై దాడికి దిగి ఆమెను గాయపరిచినందుకు అతడి భార్య, సోదరుడు, తల్లిపై కూడా వివిధ సెక్షన్ల కింద కేసులు నమోదు చేశామని ఆయన వివరించారు.