Click it and Unblock the Notifications
Just In
Don't Miss
-
DC vs GT: అందుకే డేవిడ్ వార్నర్ను పక్కన పెట్టాం: రిషభ్ పంత్ -
ఈ బ్లడ్ గ్రూప్ దొరకడం చాలా కష్టం..కొంటే ధర ఎంతో తెలుసా..? -
మరో సమస్యలో చిక్కుకున్న శిల్పా శెట్టి భర్త.. ఆ లగ్జరీ కార్లు సీజ్ -
నీకెంత బలుపు? ఆర్కే నాయుడుపై సీనియర్ నటి సీరియస్ -
Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్.. -
కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..! -
Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
అమరీందర్ సింగ్‌కు మోడీ... మోడీకి రాహుల్ శుభాకాంక్షలు..
ప్రధాని మోడీ పంజాబ్ కాంగ్రెస్ అభ్యర్థి అమరీందర్ సింగ్ కు ఫోన్ ద్వారా శుభాకాంక్షలు తెలిపారు.
న్యూఢిల్లీ: యూపీ ఎన్నికల్లో ఘనవిజయం బీజేపీని తిరుగులేని శక్తిగా మార్చింది. దీంతో కమలనాథుల్లో నూతనోత్సాహం వెల్లివిరుస్తోంది. అదే సమయంలో పంజాబ్,గోవా రాష్ట్రాల్లో ప్రతికూల ఫలితాలను మూటగట్టుకుంది. అయినా యూపీ విజయం ముందు అవి బీజేపీ మీద అంతగా ప్రభావం చూపవని అందరికీ తెలిసిందే.
మరోవైపు పంజాబ్ లో కాంగ్రెస్ స్పష్టమైన మెజారిటీతో జయకేతనం ఎగరవేసింది. ఈ నేపథ్యంలో ప్రధాని మోడీ పంజాబ్ కాంగ్రెస్ అభ్యర్థి, మాజీ సీఎం అమరీందర్ సింగ్ కు ఫోన్ ద్వారా శుభాకాంక్షలు తెలిపారు. ఇదే రోజు అమరీందర్ సింగ్ పుట్టినరోజు కూడా కావడంతో.. పుట్టినరోజు శుభాకాంక్షలు కూడా చెప్పారు.
ఫోన్ ద్వారా అమరీందర్ సింగ్ కు శుభాకాంక్షలు చెప్పిన మోడీ.. అనంతరం అదే విషయాన్ని ట్విట్టర్ ద్వారా వ్యక్తపరిచారు. కాగా, కాంగ్రెస్ అభ్యర్థి అమరీందర్ సింగ్.. లంబి, పాటియాలా రెండు చోట్ల పోటీ చేయగా.. లంబిలో పరాజయం పాలయ్యారు. పాటియాలలో మాత్రం 51వేల మెజారిటీతో విజయం సాధించారు. ప్రస్తుతం పంజాబ్ లో కాంగ్రెస్ 74స్థానాలు గెలుచుకుని మరో మూడు స్థానాల్లో ఆధిక్యంలో కొనసాగుతోంది.
రాహుల్ శుభాకాంక్షలు:
పంజాబ్ లో కాంగ్రెస్ విజయం సాధించడంతో రాహుల్ ఆ పార్టీ అభ్యర్థి అమరీందర్ సింగ్ కు శుభాకాంక్షలు తెలిపారు. అదే సమయంలో యూపీ, ఉత్తరాఖండ్ లో విజయం సాధించిన బీజేపీకి సైతం రాహుల్ శుభాకాంక్షలు తెలియజేశారు. ఇక ఎన్నికల పరాజయాన్ని పరోక్షంగా ప్రస్తావిస్తూ.. ప్రజల మనసులు గెలుచుకునేంతవరకు తమ పోరాటం ఆగదని ట్విట్టర్ ద్వారా పేర్కొన్నారు.
