కౌగలించుకుని మహిళా ప్రొఫెసర్ను ఓదార్చిన రాహుల్
గుజరాత్ శాసనసభ ఎన్నికల్లో ప్రచారం చేస్తున్న కాంగ్రెసు ఉపాధ్యక్షుడు రాహుల్ గాంధీకి వింత అనుభవం ఎదురైంది. శుక్రవారంనాడు కంట తడి పెట్టిన సంస్కృత ప్రొఫెసర్ను కౌగలించుకుని ఊరడించారు. తన 20 ఏళ్ల సర్వీసులో
అహ్మదాబాద్: గుజరాత్ శాసనసభ ఎన్నికల్లో ప్రచారం చేస్తున్న కాంగ్రెసు ఉపాధ్యక్షుడు రాహుల్ గాంధీకి వింత అనుభవం ఎదురైంది. శుక్రవారంనాడు కంట తడి పెట్టిన సంస్కృత ప్రొఫెసర్ను కౌగలించుకుని ఊరడించారు. తన 20 ఏళ్ల సర్వీసులో బిజెపి పాలనలో తాను ఎదుర్కున్న కష్టాలను ఏకరువు పెట్టింది.
అహ్మదాబాద్లోని నికోల్ ప్రాంతంలో గల జ్ఝాన్ అధికార్ సభ ఉపాధ్యాయులతో చర్చాగోష్టి నిర్వహించారు. గుజరాత్లో తమ పార్టీ అధికారంలోకి వస్తే తీసుకువచ్చే విద్యా సంస్కరణల గురించి వివరించారు. ఈ సమయంలో సంస్కృతం ప్రొఫెసర్ రంజన అవస్తి ప్రస్తుత ప్రభుత్వ హయాంలో తన అనుభవాలను వివరిస్తూ కంటనీరు పెట్టింది.
దాంతో రాహుల్ గాంధీ వేదికపై నుంచి దిగి వచ్చి ఆమెను ఆలింగనం చేసుకుని ఓదార్చారు. మరో ప్రొఫెసర్ గత ఏళ్లుగా ప్రభుత్వం గుజరాత్ ప్రజలను ఏప్రిల్ ఫూల్ చేస్తోందని ఆరోపించారు.
ప్రతి నెలకు ముందు ఫూల్ చేర్చి రాహుల్ గాంధీ 12 నెలల పేర్లు చెప్పారు.సమావేశం చివరలో ఒకతను కమాల్ కా ఫూల్ అంటూ అన్నాడు. దాంతో సమావేశంలో నవ్వులు విరబూశాయి.