మహిళా రిజర్వేషన్ బిల్లు పెట్టండి...కాంగ్రెస్ మద్దతు ఇస్తుంది: రాహుల్
మహిళల రిజర్వేషన్ బిల్లును శీతాకాల సమావేశాల్లో ప్రవేశపెడితే భేషరతుగా ప్రభుత్వానికి మద్దతు తెలుపుతామని కాంగ్రెస్ అధ్యక్షుడు రాహుల్ గాంధీ ట్విటర్ వేదికగా చెప్పారు. మహిళా సాధికారికతకు కట్టుబడి ఉన్నామని చెబుతున్న ప్రధాని మహిళా రిజర్వేషన్ బిల్లును పార్లమెంట్ సమావేశంలో ప్రవేశపెట్టాలని సవాల్ విసిరారు. పార్టీలను రాజకీయాలను పక్కనబెట్టి ప్రధాని మోడీ బిల్లును ప్రవేశపెట్టి సభలో బిల్లు పాస్ అయ్యేలా చూసే బాధ్యత మోడీదే అని అన్నారు.
Our PM says he’s a crusader for women’s empowerment? Time for him to rise above party politics, walk-his-talk & have the Women’s Reservation Bill passed by Parliament. The Congress offers him its unconditional support.
— Rahul Gandhi (@RahulGandhi) July 16, 2018
Attached is my letter to the PM. #MahilaAakrosh pic.twitter.com/IretXFFvvK
ఇదే విషయమై ప్రధానికి లేఖ కూడా రాసినట్లు ఆ లేఖను ట్విటర్లో పోస్ట్ చేశారు రాహుల్ గాంధీ. శనివారం ప్రధాని కాంగ్రెస్ పార్టీపై కీలక వ్యాఖ్యలు చేశారు. కాంగ్రెస్ పార్టీ కేవలం ముస్లిం పురుషుల పార్టీ అనే సంచలమైన వ్యాఖ్యలు చేశారు. అంతేకాదు ప్రతిష్టాత్మక ట్రిపుల్ తలాక్ బిల్లు పాస్ కాకుండా అడ్డుకుంటున్నది కాంగ్రెస్సే అని ప్రధాని మోడీ ధ్వజమెత్తారు.
ఈ నేపథ్యంలోనే కాంగ్రెస్ అధ్యక్షుడు రాహుల్ గాంధీ ట్విటర్ వేదికగా మహిళా రిజర్వేషన్ బిల్లును ప్రభుత్వం పార్లమెంటులో ప్రవేశపెట్టి పాస్ అయ్యేలా చూడాలని డిమాండ్ చేశారు. తద్వారా ప్రధానికి మహిళల పట్ల ఎంత గౌరవముందో తెలుస్తుందని అన్నారు.