వర్ష బీభత్సం : కేరళలో ఇళ్లలోకి నీరు, సాంగ్లీలో పడవ బోల్తా, 9 మంది మృతి (వీడియో)

న్యూఢిల్లీ/ ముంబై : దేశవ్యాప్తంగా భారీ వర్ష బీభత్సం కొనసాగుతుంది. వరదనీటితో చెరువులు, కుంటలు నిండిపోతున్నాయి. వర్షాలతో మరోవైపు ప్రజలు ఇబ్బంది పడుతున్నారు. ఎడతెరిపి లేని వర్షాలతో .. నదులు నిండుకుండను తలపిస్తున్నాయి. వాగులు, వంకలు ప్రవాహిస్తుండటంతో .. ఆ సమీప ప్రాంతాలకు వెళ్లొద్దని అధికారులు హెచ్చరిస్తున్నారు.

దక్షిణాది రాష్ట్రాల్లో జోరుగా వర్షాలు కురుస్తున్నాయి. కేరళలో సమృద్ధిగా వర్షాలు పడుతున్నాయి. ఇడుక్కి, వాయనాడు, నిలిగిరిస్, థెని, తిరునెల్వెలి, వల్‌పారాయ్, కన్యకుమారి వరదనీటితో నిండిపోయాయి. కేరళలో వర్షపునీరు ఇళ్లలోకి చేరిపోయింది. ఆ వీడియో ఒకటి సోషల్ మీడియాలో వైరలైంది. కేరళలో భారీ వర్షంతో వాగులు వంకలు పొంగిపొర్లుతున్నాయి. ఇటు తమిళనాడులో కూడా గత రెండురోజుల నుంచి భారీ వర్షం కురుస్తోంది. మరోవైపు 7 జిల్లాలో కూడా వర్షపునీరు చేరింది. ఇళ్లలోంచి బయటకు రావాలంటేనే ప్రజలు జంకుతున్నారు.

ఇటు మహారాష్ట్రలో కూడా భారీ వర్షాలు కురుస్తోన్నాయి. మరోవైపు సాంగ్లీలో విషాద ఘటన చోటుచేసుకుంది. వరద బాధితులను తరలిస్తున్న ఓ పడవ బోల్తా పడింది. ఈ ప్రమాదంలో తొమ్మిది మంది మృతిచెందారు. మరో నలుగురు గల్లంతయ్యారు. వారి ఆచూకీ కోసం గజ ఈతగాళ్లను రంగంలోకి దింపారు. రెస్క్యూ టీం హుటాహుటిన భద్రతా చర్యలు చేపట్టారు. మరో 9 మందిని సిబ్బంది కాపాడారు. ప్రమాద సమయంలో పడవలో 30 మంది ఉన్నట్టు తెలుస్తోంది. ఆ లెక్కన మరో 8 మంది గురించిన సమాచారం తెలియాల్సి ఉంది. మృతదేహాలకు పోస్టుమార్టం నిర్వహించి .. బంధువులకు అప్పగిస్తామని అధికారులు తెలిపారు.

Flood situation improving in #Odisha; 7 districts worst hit: Minister
Read https://t.co/XLUIXzGbAY pic.twitter.com/2WwkoH6der

— Odisha Sun Times (@odishasuntimes) August 8, 2019

English summary

rains continues to batter several district of Kerala and parts of western ghat areas in Tamil nadu. Several district are completely inundated and NDRF pressed into action. Idukki, Malappuram, Kozhikode, Thrissur, Palakkad, Wayanad, Kannur, Kasargod are worst affected.