లైంగిక దాడి: ఆధ్యాత్మిక స్వామికి బెయిల్ ఇవ్వలేం
జోద్ పూర్: లైంగిక వేధింపుల కేసులో ఆరోపణలు ఎదుర్కొంటున్న వివాదాస్పద అధ్యాత్మిక గురువు ఆశారం బాపుకు రాజస్థాన్ హై కోర్టులో చుక్కెదురైయ్యింది. తనకు బెయిల్ ఇవ్వాలని ఆయన దాఖలు చేసిన బెయిల్ పిటిషన్ ను హై కోర్టు తిరస్కరించింది.
కేసు విచారణ దాదాపు ముగింపు దశలో ఉందని, ఇప్పుడు మీకు బెయిల్ ఇవ్వడం సాధ్యం కాదని కోర్టు స్పష్టం చేసింది. హై కోర్టు బెయిల్ పిటిషన్ తిరస్కరించడంతో వివాదాస్పద గురువు ఆశారం బాపుకు మరోసారి చుక్కెదురైయ్యింది.
మైనర్ బాలిక మీద లైంగిక దాడి చేశారంటూ ఆశారం బాపుపై ఆరోపణలు వచ్చాయి. కేసు నమోదు చేసిన పోలీసులు 2013 సెప్టెంబర్ 2వ తేదిన ఆశారం బాపును అరెస్టు చేసి జైలుకు పంపించారు.
రాజస్థాన్ లోని జోద్ పూర్ సెంట్రల్ జైలులో ఉన్న ఆయన తనకు బెయిల్ మంజూరు చెయ్యాలని అనేక సార్లు కోర్టులో పిటిషన్ దాఖలు చేశారు. అయితే ఆశారం బాపుకు బెయిల్ ఇవ్వడానికి న్యాయస్థానం తిరస్కరించింది.