రజినీకాంత్ పార్టీ పెట్టాలి, చిరంజీవి ‘ప్రజారాజ్యం’లా మాత్రం కాకూడదు: జయప్రద

సీనియర్ నటి జయప్రద కూడా రజినీకాంత్ రాజకీయ అరంగేట్రం గురించి స్పందించారు. రజినీకాంత్ రాజకీయాల్లోకి రావాలని ఆమె కోరారు. అయితే రజినీకాంత్ పెట్టబోయే పార్టీ మరో ప్రజారాజ్యం మాదిరిగా మాత్రం కాకూడదన్నారు.

హైదరాబాద్: తమిళనాడులో సూపర్ స్టార్ రజినీకాంత్ రాజకీయ రంగప్రవేశంపై చర్చ సాగుతూనే ఉంది. ఆయన రాజకీయాల్లోకి రావాలంటూ సినీరంగానికి సంబంధించిన హీరోలు, హీరోయిన్లు ప్రకటనల మీద ప్రకటనలు గుప్పిస్తూనే ఉన్నారు.

తాజాగా సీనియర్ నటి జయప్రద కూడా రజినీకాంత్ రాజకీయ అరంగేట్రం గురించి స్పందించారు. రజినీకాంత్ రాజకీయాల్లోకి రావాలని ఆమె కోరారు. ప్రస్తుత పరిస్థితుల్లో రజినీకాంత్ రాజకీయాల్లోకి రావాల్సిన సమయం వచ్చిందని జయప్రద అభిప్రాయపడ్డారు.

అయితే రజినీకాంత్ పరిస్థితి మెగాస్టార్ చిరంజీవి ప్రజారాజ్యం పార్టీ పరిస్థితిలా కాకూడదని ఆమె పేర్కొన్నారు. ఒకవేళ పార్టీ పెట్టి రాజకీయాల్లోకి అడుగుపెడితే మాత్రం మెగాస్టార్ చిరంజీవిలా మాత్రం చేయకూడదన్నారు.

రజినీకాంత్ పెట్టబోయే పార్టీ మరో ప్రజారాజ్యం మాదిరిగా కాకూడదని, ఎలాంటి పరిస్థితులు ఎదురైనా సరే చిరంజీవిలా వెనకడుగు వేయకూడదని జయప్రద అభిప్రాయపడ్డారు. అంతేకాదు, రజినీకాంత్ పెట్టబోయే పార్టీ తప్పకుండా విజయవంతం అవుతుందని కూడా ఆమె జోస్యం చెప్పారు.

English summary

Jayaprada, who has acted in films with the Chiranjeevi and Rajinikanth, has made interesting comments on the latest Rajani's political career. In reality, Jayaprada is a senior in the experience of the political leader. She recently said: Rajani has been invited to come into politics after the news on the political field. Jayaprada expressed confidence that Rajinikanth's success in winning politics is another important comment. Megastar Chiranjeevi was a party and she expressed the desire not to go back again.