సంబరం-విషాదం: బరాత్లో చిందేస్తూ ప్రాణాలు వదిలిన వరుడు(వీడియో)
ఆ ఇంట్లో వివాహ సంబరాలు జరుపుకుంటున్న వేళ వరుడి మరణం విషాదం నింపింది. వివాహం సందర్భంగా నిర్వహించని బరాత్లో ఎంతో ఆనందంగా చిందులేసిన వరుడు హఠాత్తుగా గుండెపోటుకు గురై ప్రాణాలు విడిచాడు. దీంతో ఎంతో సందడిగ
అహ్మదాబాద్: ఆ ఇంట్లో వివాహ సంబరాలు జరుపుకుంటున్న వేళ వరుడి మరణం విషాదం నింపింది. వివాహం సందర్భంగా నిర్వహించని బరాత్లో ఎంతో ఆనందంగా చిందులేసిన వరుడు హఠాత్తుగా గుండెపోటుకు గురై ప్రాణాలు విడిచాడు. దీంతో ఎంతో సందడిగా ఉండాల్సని వాతావరణం ఒక్కసారిగా విషాదంగా మారిపోయింది.
ఘటనకు సంబంధించిన వివరాల్లోకి వెళితే.. గుజరాత్ రాష్ట్రంలోని రనోలీ ప్రాంతానికి చెందిన సూరజ్ సోలంకీ(23) అనే యువకుడికి వివాహం జరిగింది. సాధారణంగా వివాహం అనంతరం బరాత్ కార్యక్రమం ఉంటుందనే విషయం తెలిసిందే.
ఇక్కడ కూడా అలాగే బరాత్ సందడిగా సాగిపోతోంది. కొందరు మిత్రులు వరుడిని తమ భుజాలపై ఎత్తుకుని చిందులేశారు. వరుడు కూడా ఎంతో సంతోషంగా కేకలు వేస్తూ డ్యాన్సులు చేశాడు. అయితే, ఒక్కసారిగా వరుడు కుప్పకూలిపోయాడు.
తీవ్ర గుండెపోటు రావడంతో బరాత్లోనే ప్రాణాలు విడిచాడు. వధువు ఇంటికి ఊరేగింపుగా వెళుతున్న సమయంలో ఈ ఘటన చోటు చేసుకుంది. దీంతో ఎంతో సంబరంగా ఉండాల్సిన ఆ రెండు కుటుంబాల్లో విషాద ఛాయలు అలుముకున్నాయి.