ఫేస్ బుక్ ప్రేమ, అత్యాచారం, ఆత్మహత్య, బెంగళూరు యువకుడికి 20 ఏళ్లు జైలు శిక్ష !
బెంగళూరు: మైనర్ మీద అత్యాచారం చేసి ఆమె ఆత్మహత్యకు కారణం అయిన కామాంధుడికి 20 ఏళ్లు జైలు శిక్ష విధిస్తూ న్యాయస్థానం సంచలన తీర్పు చెప్పింది. 14 ఏళ్ల బాలిక మీద అత్యాచారం చేసిన మనోజ్ (26) అనే యువకుడు జైలు శిక్షకు గురైనాడు.
బెంగళూరు నగరంలోని నందిని లేఔట్ లో మనోజ్ నివాసం ఉంటున్నాడు. ఇతనికి షేస్ బుక్ లో బాలిక (14) పరిచయం అయ్యింది. బాలికను ప్రేమిస్తున్నానని మనోజ్ నమ్మించాడు. నిన్ను పెళ్లి చేసుకుంటానని, తనతో కలిసి ఉండాలని మనోజ్ బాలికకు మాయమాటలు చెప్పాడు.
Recommended Video
తరువాత బాలిక ఒంటరిగా ఉన్న సమయంలో ఆమెను నమ్మించిన మనోజ్ అత్యారం చేశాడు. పెళ్లి చేసుకోవాలని బాలిక మనోజ్ మీద ఒత్తిడి చేసింది. నిన్ను పెళ్లి చేసుకోనని, నీకు దిక్కున్న చోట చెప్పుకోవాలని మనోజ్ ఎదురుతిరిగాడు. మనోజ్ మోసం చేశాడని బాలిక జీవితంపై విరక్తి పెంచుకుంది.
ప్రియుడి చేతిలో మోసపోయానని ఆవేదనతో 2013 నవంబర్ 5వ తేదీన బాలిక ఆత్మహత్య చేసుకుంది. బాలిక తండ్రి ఫిర్యాదు చెయ్యడంతో పోలీసులు కేసు నమోదు చేశారు. మనోజ్, బాలిక మొబైల్ ఫోన్లు, ఫేస్ బుక్ అకౌంట్ లు పరిశీలించిన పోలీసులు పలు ఆధారాలు సేకరించారు.
బాలికను నమ్మించిన మనోజ్ అత్యాచారం చెయ్యడంతో ఆమె ఆత్మహత్య చేసుకుందని ఆధారాలు సేకరించిన పోలీసులు న్యాయస్థానంలో ఎఫ్ఐఆర్ సమర్పించారు. కేసు విచారణ చేసిన న్యాయమూర్తి ఆర్. శారదా నిందితుడు మనోజ్ నేరం చేశాడని రుజువు కావడంతో 20 ఏళ్లు జైలు శిక్ష విదిస్తూ సంచలన తీర్పు చెప్పారు.