Republic day:72వ గణతంత్ర దినోత్సవంను జరుపుకుంటున్న భారత్

72వ గణతంత్ర దినోత్సవ వేడుకలు మంగళవారం ఉదయం నుంచి దేశ వ్యాప్తంగా ఘనంగా ప్రారంభమయ్యాయి. గణతంత్ర వేడుకల నేపథ్యంలో దేశ రాజధాని న్యూఢిల్లీ భారీ భద్రతా ఏర్పాట్లు చేశారు. రిపబ్లిక్ డే సందర్భంగా ఇప్పటికే దేశ ప్రజలను ఉద్దేశించి ప్రసంగించారు రాష్ట్రపతి రామ్‌నాథ్ కోవింద్.

కాగా, మన రాజ్యాంగం అమలులోకి వచ్చిన 1950 జనవరి 26 దినానికి గౌరవ సూచకంగా గణతంత్ర దినోత్సవం జరుపుకుంటున్నాము. ఈ రోజున బ్రిటీషు కాలంనాటి భారత ప్రభుత్వ చట్టం 1935 రద్దయి, భారతదేశం సర్వసత్తాక, సామ్యవాద, లౌకిక, ప్రజాస్వామ్య, గణతంత్ర రాజ్యంగా అవతరించింది. ఇక మంగళవారం ఉదయం 8 గంటలకు రాష్ట్రపతి రామ్‌నాథ్ కోవింద్ త్రివర్ణ జెండాను ఎగురవేస్తారు.

గతేడాది 1,50,000 మంది గణతంత్ర వేడుకలకు హాజరుకాగా.. ఈ సారి కరోనా కారణంగా 25వేల మందికి మాత్రమే అనుమతించారు. ఇక మీడియా ప్రతినిధుల సంఖ్య 300 నుంచి 200కు తగ్గింది. ఇక ఢిల్లీలో జరిగే గణతంత్ర వేడుకలతో పాటుగా తెలుగు రాష్ట్రాల్లో జరిగే వేడుకలకు సంబంధించి మినిట్-టూ- మినిట్ అప్‌డేట్స్ మీకోసం

English summary

Republic day celebrations 2021 in delhi live updates