సౌదీ రాజు ఆగ్రహం: వెలుగులోకి యువరాజు అరాచకాలు(వీడియో)

సౌదీలో చట్టాలు ఎంత కఠినంగా ఉంటాయో అందరికి తెలిసిన విషయమే. ఈ విషయం తాజాగా మరోసారి రుజువైంది. ఎలాగంటే.. పలువురిపై దాడికి పాల్పడిన వీడియోలు వెలుగుచూడటంతో సౌదీ రాకుమారునిపై ఆ దేశ రాజు సల్మాన్ ఆగ్రహం.

| Updated: Friday, July 21, 2017, 16:30 [IST]

సౌదీఅరేబియా: సౌదీలో చట్టాలు ఎంత కఠినంగా ఉంటాయో అందరికి తెలిసిన విషయమే. ఈ విషయం తాజాగా మరోసారి రుజువైంది. ఎలాగంటే.. పలువురిపై దాడికి పాల్పడిన వీడియోలు వెలుగుచూడటంతో సౌదీ రాకుమారునిపై ఆ దేశ రాజు సల్మాన్ ఆగ్రహం వ్యక్తం చేశారు. వెంటనే అతన్ని, అతని అనుచరులని అరెస్టు చేయాలంటూ ఆదేశాలు జారీ చేశారు.

أمير سعودي يعتدي على مواطنيين ويهينهم.
اتمنى ان يصل الهاشتاق ترند لكي يعرف العالم العبودية التي يعيشها الشعب .#امير_يعتدي_على_مواطنين pic.twitter.com/ImCsxwOtJe
— غانم الدوسري (@GhanemAlmasarir) July 19, 2017

అసలేం జరిగిందంటే.. సౌదీ ప్రిన్స్‌ సాద్‌ బిన్‌ అబ్దులాజిజ్‌.. స్థానిక పౌరుల పట్ల దురుసుగా ప్రవర్తించిన ఓ వీడియో యూట్యూబ్‌లో చక్కర్లు కొడుతోంది. ఓ మనిషికి తుపాకీ ఎక్కుపెట్టి బెదిరిస్తునట్లు ఆ వీడియోలో ఉంది. మరో వీడియోలు ఓ వ్యక్తిని తీవ్రంగా కొట్టినట్లు ఉంది. అంతేగాక, కొన్ని వీడియోల్లో పలు మద్యం బాటిళ్లు కూడా దర్శనమిచ్చాయి. ఆ దేశంలో ప్రస్తుతం మద్యపాన నిషేధం అమలులో ఉంది.

కాగా, ఈ వీడియో సోషల్ మీడియాలో వైరల్‌ కావడంతో దీనిపై సౌదీ రాజు సల్మాన్‌ తీవ్రంగా స్పందించారు. వెంటనే ప్రిన్స్‌ని అరెస్టు చేసి జైల్లో పెట్టాల్సిందిగా అధికారులను ఆదేశించారు. దేశ ప్రజల ప్రయోజనాలకంటే రాజకుటుంబ ప్రయోజనాలు ముఖ్యం కావని సల్మాన్‌ ఇప్పటికే స్పష్టం చేశారు. అంతేగాక, వ్యక్తిని తుపాకీతో కాల్చి చంపినందుకు 2013 అక్టోబర్‌లో ఓ సౌదీ ప్రిన్స్‌ను ఉరితీసిన విషయం తెలిసిందే.