తాగేసింది: సెక్యూరిటీని పట్టుకుని తన్నేసింది
జంషెడ్ పూర్: తాగిన మైకంలో కన్నూమిన్నూ తెలియకపోవడంతో ఓ సెక్యూరిటిగార్డు మీద యువతి, ఆమె బాయ్ ఫ్రెండ్ నానా హంగామా చేసిన సంఘటన జంషెడ్ పూర్ లో జరిగింది. విషయం తెలుసుకున్న హోటల్ సిబ్బంది యువతి, యువకుడిని హెచ్చరించి అక్కడి నుంచి పంపించారు.
ఓ యువతి, ఆమె బాయ్ ఫ్రెండ్ పీకలదాక మద్యం సేవించి హోటల్ దగ్గరకు వెళ్లారు. తరువాత అక్కడ వారు హంగామా చేశారు. హోటల్ సెక్యూరిటి గార్డు మీరు ఎవరు, ఏమి కావాలి అని వారిద్దరినీ ప్రశ్నించారు.
ఆ సందర్బంలో ఇద్దరూ సెక్యూరిటి గార్డు మీద నోరుపారేసుకున్నారు. ఇష్టం వచ్చినట్లు బూతులు తిట్టారు. హోటల్ లోకి వెళ్లడానికి వీలులేదని సెక్యూరిటి గార్డు వారికి చెప్పాడు. అంతే ఆ యువతికి మండిపోయింది.
సెక్యూరిటి గార్డు కాలర్ పట్టుకుని కాలితో తన్ని, పిడిగుద్దులు గుద్దింది. అక్కడున్న వారు ఆ యువతి హంగామా చూసి అవాక్కయ్యారు. అదే సమయంలో యువతి బాయ్ ఫ్రెండ్ సైతం సెక్యూరిటి గార్డు మీద చెయ్యి చేసుకున్నాడు. హోటల్ దగ్గర ఉన్న సీసీ టీవీ కెమెరాలలో ఈ దృశ్యాలు రికార్డు అయ్యాయి.