సెక్స్ స్కాండల్ : మాజీ మంత్రి ఇంట్లో సీక్రెట్ వీడియో పరికరాలు
న్యూఢిల్లీ : ఇద్దరు మహిళలతో రాసలీలలు సాగిస్తూ.. అడ్డంగా బుక్కయిన ఆప్ బహిష్కృత నేత సందీప్ కుమార్ సెక్స్ స్కాండల్ విషయంలో రోజుకో కొత్త విషయం వెలుగు చూస్తోంది. తాజాగా పోలీసుల తనిఖీల్లో సీక్రెట్ వీడియోలు తీసేందుకు ఉపయోగించే రెండు పరికరాలు.. ఆయన ఇంట్లో దొరకడం గమనార్హం. వీటితో పాటు ఓ సెల్ ఫోన్ ను కూడా స్వాధీనం చేసుకున్న పోలీసులు పరీక్ష నిమిత్తం ఫోరెన్సిక్ ల్యాబ్ కు పంపించారు.
ఇదిలా ఉంటే.. రేషన్ కార్డు ఇప్పిస్తానని ఇంటికి పిలిపించి కూల్ డ్రింక్ లో మత్తు మందు కలిపి తనను లోబర్చుకున్నాడని వీడియోలో ఉన్న బాధిత మహిళ పోలీసులను ఆశ్రయించిన సంగతి తెలిసిందే. అనంతరం పోలీసుల ఎదుట సందీప్ కుమార్ లొంగిపోవడం.. వీడియో లీకేజీ ఆరోపణలు ఎదుర్కొంటున్న ఆయన పర్సనల్ సెక్రటరీ ప్రవీణ్ కుమార్ అరెస్టు అవడం వంటి పరిణామాలు జరిగాయి. ప్రస్తుతం ఇంకా విచారణ జరుగుతుండడంతో మరిన్ని విషయాలు వెలుగు చూసే అవకాశముంది.