షారుక్కి లిఫ్ట్ ఇచ్చిన సీఎం మమత: అంత చిన్నకారులో..(వీడియో)
కాగా, షారుక్ ఎయిర్పోర్ట్ వద్దకు చేరుకుని లోపలికి వెళుతుండగా మీడియా.. ‘అంత చిన్న కారులో చాలా కాలం తర్వాత ప్రయాణించడం మీకెలా అనిపించింది’ అంటూ ప్రశ్నలు వేశారు.
కోల్కతా: తృణమూల్ కాంగ్రెస్ అధినేత్రి, పశ్చిమబెంగాల్ ముఖ్యమంత్రి మమతా బెనర్జీ, బాలీవుడ్ బాద్ షా షారుక్ ఖాన్ మధ్య ఉన్న అనుబంధం అందరికీ తెలిసిందే. కాగా, మరోసారి ఈ విషయం రుజువైంది.
షారుక్కి.. మమత అంటే ఎంతో గౌరవం, అభిమానం. ఆమెను సొంత సోదరిలా చూసుకుంటారు. ఆమె కూడా షారుక్ని తమ్ముడిలా చూసుకుంటారు. షారుక్ ఎప్పుడూ కోల్కతా తనకు రెండో ఇల్లు అంటూ ఉంటారు.
Mamata Didi dropping off SRK in her small car 😋 Wonder how long ago @iamsrk travelled in such a vehicle ? @quizderek pic.twitter.com/LbVrkLQY9v
— Pratap Bose (@pratap_bose) November 15, 2017
వివరాల్లోకి వెళితే.. షారుక్.. కోల్కతా అంతర్జాతీయ చలన చిత్రోత్సవ కార్యక్రమం నిమిత్తం కోల్కతా చేరుకున్నారు. కార్యక్రమం ముగిసిన తర్వాత మమత స్వయంగా తన శాంట్రో కారులో షారుక్ను ఎయిర్పోర్ట్ వద్ద డ్రాప్ చేశారు. ఆ తర్వాత షారుక్ మమత కాళ్లకు నమస్కరించి లోపలికి వెళ్లిపోయారు.