• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

అద్వానీ భావోద్వేగం: షికారా మూవీ చూస్తూ.. కన్నీరు ఆపుకోలేక: కాశ్మీరీ పండిట్స్‌ వెతలపై..!

|

న్యూఢిల్లీ: భారతీయ జనతా పార్టీ కురువృద్ధుడు లాల్ కృష్ణ అద్వానీ తన కుటుంబంతో కలిసి బాలీవుడ్ మూవీ షికారాను తిలకించారు. ఆయన కోసం ప్రత్యేక స్క్రీనింగ్‌ను ఏర్పాటు చేశారు. ఈ సినిమా చూస్తున్నంత సేపూ అద్వానీ భావోద్వేగానికి గురయ్యారు. కాశ్మీరీ పండిట్లు, కాశ్మీరులో నివసిస్తోన్న హిందువులు ఎదుర్కొన్న కష్టనష్టాలను కథాంశంగా చేసుకుని రూపొందించిన సినిమా అది. సినిమా చూస్తూ ఆయన కన్నీటిని ఆపుకోలేకపోయారు.

ప్రముఖ దర్శకుడు విధు వినోద్ చోప్రా ఈ సినిమాను తెరకెక్కించారు. తన సొంత బ్యానర్ వినోద్ చోప్రా ఫిల్మ్‌పై సుమారు వంద కోట్ల రూపాయల బడ్జెట్‌తో దీన్ని రూపొందించారు. ఆదిల్ ఖాన్, సాదియా, ఫైజల్ సిమోన్ తదితరులు నటించిన ఈ మూవీ ప్రపంచవ్యాప్తంగా శుక్రవారం ప్రేక్షకుల ముందుకు వచ్చింది. హిట్ ‌టాక్‌ను సొంతం చేసుకుంది. కాశ్మీరీ పండిట్లపై తెరకెక్కించిన సినిమా కావడంతో దీన్ని తిలకించడానికి అద్వానీ ఆసక్తి చూపారు.

‘Shikara’ makes LK Advani emotional and tears

దీనితో ఆయన కోసం ప్రత్యేక స్క్రీనింగ్‌ను ఏర్పాటు చేశారు. తన కుటుంబంతో కలిసి సినిమాను చూశారాయన. విధు వినోద్ చోప్రా.. ఆయనకు స్వాగతం పలికారు. సినిమా చూస్తున్న సమయంలో ఆయన కాళ్లకు నమస్కరించారు. సినిమా గురించి వివరాలను అందజేశారు. ఈ సందర్భంగా షికారా మూవీ సన్నివేశాలు అద్వానీని తీవ్రంగా కదిలించినట్టున్నాయి. తన భావోద్వేగాన్ని నియంత్రించుకోలేకపోయారు. కన్నీరు పెట్టుకున్నారు. దీనికి సంబంధించిన వీడియో ఒకటి సోషల్ మీడియాలో వైరల్‌గా మారింది.

English summary
Veteran Bharatiya Janata Party (BJP) leader LK Advani got emotional while watching filmmaker Vidhu Vinod Chopras “Shikara: The Untold Story Of Kashmiri Pandits” here. In a video clip gone viral, the political veteran is seen trying to hold back his tears as the film ends, even as Chopra comes up, kneels down besides him and tries consoling him.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X