షాక్: భార్యను గదిలోకి నెట్టి డోర్ లాక్, స్నేహితుల గ్యాంగ్ రేప్
ఉత్తరప్రదేశ్లోని బిజ్నోర్ జిల్లా ధమ్పూర్ గ్రామంలో ఆదివారం రాత్రి ఓ తాగుబోతు భర్త భార్యను స్నేహితులున్న గదిలోకి నెట్టి డోర్ లాక్ చేయగా, వారు ఆమెపై సామూహిక అత్యాచారానికి పాల్పడ్డారు.
బిజ్నోర్: పీకల వరకు తాగిన ఓ భర్త నీచానికి దిగజారాడు. కట్టుకున్న భార్యను స్నేహితులున్న గదిలోకి నెట్టి డోర్ లాక్ చేశాడు. ఇదే అదనుగా వారు ఆమెపై సామూహిక అత్యాచారానికి పాల్పడ్డారు.
సభ్యసమాజం సిగ్గుతో తల దించుకోవలసిన, ఈ దారుణమైన ఘటన ఉత్తరప్రదేశ్లోని బిజ్నోర్ జిల్లా ధమ్పూర్ గ్రామంలో ఆదివారం రాత్రి చోటుచేసుకుంది. అనంతరం వారి నుంచి తప్పించుకున్న ఆమె పోలీసులకు ఫిర్యాదు చేసింది.
పోలీసులు ఈ అకృత్యంపై కేసు నమోదు చేసి దర్యాప్తు చేస్తున్నారు. బాధితురాలిని వైద్య పరీక్షల నిమిత్తం ఆసుపత్రికి తరలించి, ఆమె భర్తతో పాటు ఈ ఘోరానికి పాల్పడిన నలుగురు స్నేహితులను అరెస్ట్ చేసేందుకు ప్రయత్నిస్తున్నారు.
కేవలం మద్యం మత్తులో వారు ఈ ఘాతుకానికి పాల్పడ్డారా? లేక ఒక పథకం ప్రకారం ఈ ఆకృత్యానికి ఒడిగాట్టారా? జరిగిన దారుణంలో ఆమె భర్త పాత్ర ఎంతవరకు ఉంది? ఈ విషయాలన్నీ పోలీసుల దర్యాప్తులో తేలాల్సి ఉంది.