తెహెల్కా లైంగిక దాడి కేసు: షోమా చౌధురి రాజీనామా
న్యూఢిల్లీ: తెహెల్కా లైంగిక దాడి కేసు ప్రకంపనలు సృష్టిస్తోంది. ఆ పత్రిక మేనేజింగ్ ఎడిటర్ షోమా చౌదరి రాజీనామా చేసినట్లు మీడియాలో వార్తలు వచ్చాయి. దూకుడుకు పేరు మోసిన జర్నిలిజానికి పేరు పడిన తెహెల్కా గతవారం తీవ్రమైన వివాదంలో చిక్కుకుంది. ఈ వివాదం షోమా చౌధరిని కూడా చుట్టుకుంది.
వివాదం వెలుగులోకి రాగానే షోమా చౌధరి మహిళా జర్నలిస్టుకు మద్దతుగా తేజ్పాల్పై లైంగిక దాడికి సంబంధించి ఫిర్యాదు చేశారు. అయితే, లైంగిక దాడికి గురైనట్లు భావిస్తున్న మహిళా జర్నలిస్టు తెహెల్కాకు రాజీనామా చేస్తూ షోమా చౌధరిపై కూడా తీవ్రమైన వ్యాఖ్యలు చేశారు. షోమా చౌధరి తనను బెదిరించే ధోరణిలో వ్యవహరిస్తున్నారని, తనపై అభాండాలు వేస్తున్నారని మహిళా జర్నలిస్టు షోమా చౌధరిపై ఆరోపణలు చేశారు.
ఇదిలావుంటే, లైంగిక దాడి కేసులో మహిళా జర్నలిస్టుపై లైంగిక దాడి కేసులో తమ ముందు హాజరు కావాలని గోవా పోలీసులు నిందితుడైన తెహెల్కా వ్యవస్థాపక సంపాదకుడు తరుణ్ తేజ్పాల్కు సమన్లు జారీ చేశారు. గురువారం 3 గంటలకు తమ ముందు హాజరు కావాలని వారు సమన్లు జారీ చేశారు.
తేజ్పాల్కు ఆ మేరకు మెయిల్ చేశామని, ఫోన్ చేసి కూడా చెప్పామన డిఐడి ఓపి మిశ్రా మీడియా ప్రతినిధులకు చెప్పారు. తేజ్పాల్ను పోలీసులు అరెస్టు చేసే అవకాశాలున్నట్లు చెబుతున్నారు.