బెంగళూరు వార్తల కోసం
నోటిఫికేషన్స్ పై క్లిక్ చేయండి  
Oneindia App Download

అది ఇల్లా? పాముల పుట్టా? కోడిగుడ్ల‌ను పొదిగిన‌ట్టు..! మురిసిపోయిన య‌జ‌మాని

|
Google Oneindia TeluguNews

బెంగ‌ళూరు: ఎవ‌రి ఇంట్లోనైనా కోడి గుడ్ల‌ను పొదుగుతుంది. అది కామ‌న్‌. ఓ వ్య‌క్తి ఇంట్లో కోడి గుడ్ల‌ను పొదిగిన‌ట్లు పాముల గుడ్లు పొదిగాచి. అయిదు కాదు ప‌దీ కాదు! ఏకంగా 16 గుడ్లు. వాటిని ప‌గుల‌గొట్టుకుని జ‌ర‌జ‌రా పాక్కుంటూ పాము పిల్ల‌లు బ‌య‌టికొచ్చేశాయి. వాటిని చూసి మురిసిపోయాడు ఆ ఇంటి య‌జ‌మాని. వాటితో కాస్సేపు ఆడుకున్నాడు. ఈ ఘ‌ట‌న క‌ర్ణాట‌క రాజ‌ధాని బెంగ‌ళూరు నగ‌ర శివార్ల‌లోని నెల‌మంగ‌ళ‌లో చోటు చేసుకుంది.

ఆ ఇంటి య‌జమాని పేరు లోకేష్‌. అంద‌రూ ఆయ‌న‌ను స్నేక్ లోకేష్‌గా పిలుస్తారు. ఆయ‌న‌ వృత్తి వ్యాపారం. ప్ర‌వృత్తి పాములు ప‌ట్ట‌డం. ఎవ‌రి ఇంట్లోనైనా పాములు క‌నిపిస్తే లోకేష్‌కు ఫోన్ చేస్తారు. ఆయ‌న వెళ్లి, వాటిని ప‌ట్టుకుని సుర‌క్షిత ప్రాంతాల్లో వ‌దిలేస్తుంటారు. ఇలా- మూడునెల‌ల కింద‌ట హేస‌ర‌ఘ‌ట్ట‌లోని ఓ ఇంట్లో పాము గుడ్ల‌ను సేక‌రించాడు. వాటిని భ‌ద్రంగా ఇంటికి తీసుకొచ్చాడు. ఓ ప్లాస్టిక్ బాక్స్‌లో పెట్టి, అంతే జాగ్ర‌త్త‌గా వాటిని కాపాడుకున్నాడు.

Snakelets found in a residential house at nelamangala near bengaluru
Snakelets found in a residential house at nelamangala near bengaluru

సాధార‌ణంగా మార్చిలో పాములు గుడ్లు పెడుతుంటాయ‌ని లోకేష్ చెబుతున్నాడు. హేస‌ర‌ఘ‌ట్ట‌లోని త‌న స్నేహితుడు నారాయ‌ణ ఇంట్లో ఓ నాగుపాము గుడ్లు పెట్టింద‌ని, ఈ విష‌యాన్ని అత‌ను త‌న‌కు తెలియ‌జేయ‌గా.. వాటిని త‌న వెంట తెచ్చుకున్నాన‌ని చెబుతున్నాడు స్నేక్ లోకేష్‌. ఈ మూడు నెల‌ల పాటు వాటిని జాగ్ర‌త్త‌గా చూసుకున్నాన‌ని, ఇప్పుడ‌వి ప‌గిలి పాము పిల్ల‌లు బ‌య‌టికొచ్చాయ‌ని చెబుతున్నాడు. వాటిని పెంచుకుంటాన‌ని లోకేష్ క‌రాఖండిగా చెబుతుండ‌టం ట్విస్ట్‌. ఈ పాము పిల్ల‌లు జర‌జ‌రా పాక్కుంటూ తిరుగుతున్న దృశ్యాల‌ను ఆయ‌న వీడియో తీసి, సోష‌ల్ మీడియాలో పోస్ట్ చేశారు.

English summary
Huge number of Snakelets found in a residential Home in Nelamangala, outskirts town of Bengaluru in Karnataka. The House owner called Snake Lokesh is catched the Snake eggs last March. He took home that eggs and keep safely. After three months Snakelets came out from the eggs.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X