అమీర్ ఖాన్కు స్నాప్ డీల్ షాక్ ఇవ్వనుందా?
ఢిల్లీ: బాలీవుడ్ నటుడు అమీర్ ఖాన్కు మరో షాక్! దేశంలో అసహనం కనిపిస్తోందని అమీర్ ఖాన్ గత ఏడాది వ్యాఖ్యానించి విమర్శల పాలయ్యాడు. అసహనంపై ఆయన చేసిన వ్యాఖ్యల ప్రభావం వరుసగా కనిపిస్తోంది!
ఇప్పటికే సుదీర్ఘకాలంగా కొనసాగుతూ వస్తున్న 'ఇన్ క్రెడిబుల్ ఇండియా' బ్రాండ్ అంబాసిడర్ హోదాను అతడు కోల్పోయాడు. తన తాజా చిత్రం 'దంగల్'కు వ్యతిరేకంగా సోషల్ మీడియాలో పెద్ద ఎత్తున ప్రచారం జరుగుతోంది. ఆయన సినిమాను చూడవద్దని ప్రచారం చేస్తున్నారు.
తాజాగా ఈ-కామర్స్ దిగ్గజం స్నాప్ డీల్ అతడికి భారీ షాక్ ఇవ్వనుంది. స్నాప్ డీల్కు అమీర్ ఖాన్ బ్రాండ్ అంబాసిడర్గా వ్యవహరిస్తున్నాడు. తొలిసారిగా స్నాప్ డీల్, అమీర్ మధ్య కుదిరిన ఒప్పందం త్వరలోనే ముగియనుంది. రెండో దఫా అమీర్ ఖాన్ను బ్రాండ్ అంబాసిడర్గా కొనసాగించేందుకు స్నాప్ డీల్ సిద్ధంగా లేదని వార్తలు వస్తున్నాయి. అమీర్ ఖాన్తో కాంట్రాక్టును పొడిగించుకునేందుకు స్నాప్ డీల్ సిద్ధంగా లేరట.