ఈ రోజే పనికానిచ్చేయండి: బ్యాంకులకు 5రోజుల వరుస సెలవులు!
Recommended Video
న్యూఢిల్లీ: వరుస సెలవులు, సమ్మెల నేపథ్యంలో ఐదు రోజులపాటు బ్యాంకులు తెరుచుకునే అవకాశం లేదు. మీకేవైనా బ్యాంకు పనులుంటే ఈ రోజే చేసుకోండి. లేదంటే రేపటి(సెప్టెంబర్1) నుంచి వరుసగా ఐదు రోజులపాటు బ్యాంకులు మూతపడనున్నాయి.
సెప్టెంబరు 1 నుంచి 5వ తేదీ వరకు బ్యాంకులు తెరుచుకోవు. శనివారం పనిదినమైనా కొన్ని రాష్ట్రాల్లో సెలవే. మరికొన్ని రాష్ట్రాల్లో ఒక పూట మాత్రమే కార్యకలాపాలు నిర్వహిస్తాయి.
సెప్టెంబర్ 2వ తేదీ ఆదివారం. 3వ తేదీన శ్రీకృష్ణ జన్మాష్టమి. 4, 5 తేదీల్లో యునైటెడ్ ఫోరం ఆఫ్ రిజర్వ్ బ్యాంక్ ఆఫీసర్స్ అండ్ ఎంప్లాయీస్ ఫోరం (యూఎఫ్ఆర్బీవోఈ) సమ్మెకు పిలుపునిచ్చింది.
ఆ రెండు రోజులు భారతీయ రిజర్వు బ్యాంకు సిబ్బంది మూకుమ్మడి సెలవులు పెట్టే అవకాశం ఉంది. ఫలితంగా దేశ్యాప్తంగా బ్యాంకుల కార్యకలాపాలకు ఆటంకం కలుగుతుంది. కాబట్టి ఆ రెండు రోజులు బ్యాంకులు తెరుకున్నా లావాదేవీలు జరగకపోవచ్చు. అంటే, మొత్తంగా ఐదు రోజులు బ్యాంకులు పనిచేయనట్లే. అందుకే శుక్రవారమే బ్యాంకుల్లో మీ పని ముగించుకుంటే మంచిది.
అలా ఏం లేదు: కేంద్రం
కాగా, వచ్చే వారంలో బ్యాంకులకు అదనపు సెలవులేమీ లేవని బ్యాంకు అధికారులు స్పష్టం చేశారు. తాజాగా ఐదురోజుల సెలవుల వార్తలపై కేంద్ర ఆర్థికశాఖ స్పందించింది. సెప్టెంబరు మొదటివారంలో బ్యాంకులు సాధారణ సెలవులు మినహా మిగతా రోజుల్లో యథావిధిగా పనిచేస్తాయని స్పష్టతనిచ్చింది.