యాంకర్, నటి మృతి కేసులో ఎన్నో డౌట్స్: నిజాలు చెప్పాలని..

రోడ్డు ప్రమాదంలో మృతి చెందిన బెంగాల్ నటి, మోడల్ సోనికా చౌహాన్ కేసులో నిజాలు వెల్లడించాలని యువ నటుడు విక్రమ్ ఛటర్జీని సదరు నటి స్నేహితులు కోరుతున్నారు.

కోల్‌కతా: రోడ్డు ప్రమాదంలో మృతి చెందిన బెంగాల్ నటి, మోడల్ సోనికా చౌహాన్ కేసులో నిజాలు వెల్లడించాలని యువ నటుడు విక్రమ్ ఛటర్జీని సదరు నటి స్నేహితులు కోరుతున్నారు.

ఎన్నో అనుమానాలు

కాగా, సోనికా చౌహాన్ కోల్‌కత్తాలో జరిగిన రోడ్డు ప్రమాదంలో మరణించారు. ఆసుపత్రి వర్గాలు చెబుతున్నదానికి, పోలీసుల వెర్షన్‌కు తేడా కనిపిస్తుండడంతో ఆమె మరణంపై అనుమానాలు వ్యక్తమవుతున్నాయంటున్నారు.

యాంకర్‌గా, మోడల్‌గా దూసుకువెళుతున్న సోనికాది హత్యే అని కొందరు ఆరోపిస్తున్నారు. విక్రమ్ ఛటర్జీతో కలిసి ఆమె కారులో వెళుతుండగా ప్రమాదం జరిగింది.

ఆ సమయంలో విక్రం కారు నడుపుతున్నారని, మద్యం సేవించారని సోనికా స్నేహితులు చెప్పారు. అయితే తాను మద్యం సేవించలేదని, కారు స్పీడుగా కూడా నడపడలేదని విక్రం తెలిపారు.

తెల్లవారు జామున నాలుగు గంటలకు జరిగిన కారు ప్రమాదంలో సోనియా అక్కడికక్కడే మరణించిన విషయం తెలిసిందే. అయితే ప్రమాదం జరిగిన తర్వాత ఆమె కొద్దిసేపు బతికే ఉన్నారని ఆసుపత్రి వర్గాలు పేర్కొన్నాయి.

English summary

Model sonika chauhan’s Friends Ask Vikram to Tell the Truth.