రూ.888 నుంచే విమాన టికెట్లు: స్పైస్జెట్ పండగ ఆఫర్
న్యూఢిల్లీ: దీపావళి, సంక్రాంతి పండగలను పురస్కరించుకుని దేశీయ విమాన సంస్థలు భారీ స్థాయిలో ఆఫర్లు ప్రకటిస్తున్నాయి. ఇటీవల ఇండిగో సంస్థ దేశీయ ప్రయాణాలకు తమ విమాన టికెట్ల ధరలు రూ.899 నుంచే ప్రారంభమవుతాయని ప్రకటించిన విషయం తెలిసిందే. తాజాగా, స్పైస్జెట్ కూడా అలాంటి ఆఫర్నే ప్రవేశపెట్టింది.
రూ.899కే విమాన టికెట్లు: ఇండిగో దీపావళి ఆఫర్, కానీ, షరతులు వర్తిస్తాయి
కేవలం రూ.888 నుంచే డొమెస్టిక్ విమానాల్లో ప్రయాణించే అవకాశం కల్పిస్తున్నట్లు స్పైస్జెట్ సంస్థ ట్విట్టర్ ద్వారా వెల్లడించింది. నవంబరు 8 నుంచి వచ్చే ఏడాది మార్చి 31 మధ్య చేసే దేశీయ ప్రయాణాలకు ఈ ఆఫర్ వర్తిస్తుందని, టిక్కెట్ బుక్ చేసుకునేందుకు ఆఖరు తేదీ అక్టోబరు 28 అని పేర్కొంది.
Your festive season just got a lot spicier! SpiceJet presents the ‘Festive Season Sale’. Domestic air-fares starting at Rs 888/-* all inclusive. Let the celebrations begin!
— SpiceJet (@flyspicejet) October 25, 2018
Booking Period: till 28th October, 2018
Travel Period: 8th November, 2018 to 31st March, 2019
T&Cs Apply pic.twitter.com/qVb4u0NKLK
కాగా, దేశీయ విమాన రంగం 2025 కల్లా ప్రపంచంలోనే మూడో అతిపెద్ద విపణిగా అవతరించనున్నట్లు విశ్లేషకులు చెబుతున్నారు. పౌర విమానయాన డైరెక్టరేట్ జనరల్ లెక్కల ప్రకారం.. ఏటా సగటున 21.2 శాతం మంది విమాన ప్రయాణికులు పెరుగుతుండటం గమనార్హం.