ఘోరం: 4 రోజులకు ఓ బ్రెడ్.. రెండేళ్లుగా సోదరికి సోదరుడి చిత్రహింసలు

ఢిల్లీ: దేశ రాజధాని న్యూఢిల్లీలో దారుణం వెలుగు చూసింది. ఓ సోదరుడు తన సోదరిని రెండేళ్ల పాటు ఇంట్లో బంధించి ఆమెకు ఆహారంగా నాలుగు రోజులకు ఓసారి బ్రెడ్ అందించాడు. ప్రస్తుతం రోజు రోజుకు మానవ సంబంధాలు బలహీనపడుతున్నాయని చెప్పేందుకు ఇది మరో నిదర్శనంగా నిలిచింది.

ఈ సంఘటన ఢిల్లీలోని రోహిణి ప్రాంతంలో చోటు చేసుకుంది. బాధిత మహిళ వయస్సు దాదాపు 50 ఉంటుంది. రెండేళ్లుగా ఆమె తన మలమూత్రాల మధ్య టెర్రాస్ పైన పడి ఉంది. ఢిల్లీ మహిళా కమిషన్ సభ్యులు, పోలీసులు ఆమెను కాపాడారు. ఆమెను ఆసుపత్రికి తరలించారు. ఈ హృదయవిదారక సంఘటన అందరినీ కదిలిస్తోంది.

"I am deeply shocked at the inhuman manner in which the lady has been treated. While she is only 50 years old, she presently looks as though she is over 90 years of age. Her starvation is so extreme that she was unable to look after her basic needs...." @SwatiJaiHind pic.twitter.com/JX6Z48Jdsh

— Amit Mishra (@Amitjanhit) September 18, 2018

రెండేళ్లుగా ఇలా వేధింపు

దీనిపై మహిళా సంఘం నాయకురాలు మాట్లాడుతూ... ఆ మహిళ తన సోదరుడి టెర్రాస్ పైన చాలా రోజులుగా పడి ఉందని, ఆమె పూర్తిగా బక్కచిక్కిపోయిందని చెప్పారు. సొంత సోదరుడే రెండేళ్లుగా ఆమెను ఒంటరిగా ఉంచి వేధించాడని చెప్పారు. ఆమె కనీసం మాట్లాడే పరిస్థితుల్లో, నడిచే పరిస్థితుల్లో లేదని చెప్పారు. కనీసం పక్కనున్న వారిని కూడా గుర్తించే స్థితిలో లేదని ఢిల్లీ మహిళా సంఘం నాయకురాలు స్వాతి మలివాల్ అన్నారు.

'Tortured, Starved' For Two Years by Brother, Woman Rescued in #Delhi's Rohini@SwatiJaiHind https://t.co/j1ztGSf8Qs

— Outlook Magazine (@Outlookindia) September 19, 2018

స్వాతి మలీల్ ట్వీట్

ఈ మేరకు స్వాతి మలీవాల్ ట్వీట్ చేశారు. యాభై ఏళ్ల మహిళ పట్ల సోదరుడు వ్యవహరించిన తీరు తనను షాక్‌కు గురి చేసిందని పేర్కొన్నారు. ఈ కారణంగా యాభై ఏళ్ల ఆ మహిళ 90ఏళ్లకు పైబడిన దానిలా కనిపిస్తోందన్నారు. ఆమె కనీసం తన ప్రాథమిక అవసరాలు తీర్చుకోలేని పరిస్థితిలో ఉందన్నారు.

2 साल से भाई ने छोड़ दिया बहन को छत पर मरने के लिए, 4 दिन में एक बार खाने को दी जाती थी रोटी
डीसीडब्ल्यू ने छुड़ाया @SwatiJaiHind pic.twitter.com/euFNyDMchI

— Bhushan Mittal 🇮🇳 (@bhushan8360) September 19, 2018

మరో సోదరుడు ఫిర్యాదు

దీనిపై చుట్టుపక్కల వారు ఫిర్యాదు చేయకపోవడం బాధాకరమని స్వాతి అన్నారు. ఆమె శరీరం ఎముకలకు అంటుకుపోయిందని ఆవేదన వ్యక్తం చేశారు. బాధితురాలి రెండో సోదరుడు ఫోన్ చేసి విషయం చెప్పడంతో వెలుగు చూసింది. మానసిక వ్యాధఇతో బాధపడుతున్న బాధితురాలు తన తల్లితో కలిసి ఉండేది. తల్లి చనిపోయాక తర్వాత బాధ్యతలు తీసుకున్న సోదరుడు చిత్రహింసలకు గురి చేశాడు.

50 year old woman tortured, starved & held captive by own brother for 2 years. When we rescued her from terrace, she was lying in her excreta. She is unable to talk, walk & even recognise people. FIR filed against the brother but he is yet to be arrested. Crime against humanity! https://t.co/0puY0poYp9

— Swati Maliwal (@SwatiJaiHind) September 18, 2018

తలుపు తీయని భార్య

తన సోదరుడు ఆమెను రెండేళ్లుగా హింసిస్తున్నాడని, ఆమెను చూసేందుకు కూడా ఎవరినీ అనుమతించడం లేదని మరో సోదరుడు తన ఫిర్యాదులో పేర్కొన్నాడు. తొలుత మహిళా కమిషన్ సభ్యులు ఇంటికి వెళ్లినప్పుడు సోదరుడి భార్య తలుపులు తెరిచేందుకు నో చెప్పింది. అధికారులను తిట్టింది. దీంతో పోలీసులు రంగంలోకి దిగారు. అయినప్పటికీ గేట్లు తీయకపోవడంతో పక్కనే ఉన్నభవనంపై నుంచి రెస్క్యూ ఆపరేషన్ చేపట్టారు. టెర్రస్‌పై పడి ఉన్న మహిళను రక్షించి ఆసుపత్రికి తరలించారు.

English summary

A 50 year old woman, allegedly held captive by her brother for two years, was found lying in her own excreta in Delhi's Rohini. The Delhi Commission for Women said it rescued her from her brother's house. She was allegedly kept in horrific conditions and given only one piece of bread every four days.