గ్రేట్ ఎస్కేప్: పెను ప్రమాదం నుంచి ప్రాణాలతో బయటపడిన సన్నీలియోన్ (వీడియో)
బాలీవుడ్ శృంగార తార సన్నీలియోన్ తృటిలో ప్రాణాపాయం నుంచి బయటపడింది. సన్నీ తన భర్త డేనియల్ వెబర్ మరికొందరు స్నేహితులతో కలిసి బుధవారం ఓ ప్రైవేటు విమానంలో ప్రయాణిస్తుండగా వారి విమానం ప్రమాదం అంచున చిక్కు
ముంబై: బాలీవుడ్ శృంగార తార సన్నీలియోన్ తృటిలో ప్రాణాపాయం నుంచి బయటపడింది. సన్నీ తన భర్త డేనియల్ వెబర్ మరికొందరు స్నేహితులతో కలిసి బుధవారం ఓ ప్రైవేటు విమానంలో ప్రయాణిస్తుండగా వారి విమానం ప్రమాదం అంచున చిక్కుకుంది.
ఆ సమయంలో వాతావరణం అనుకూలించక పోవడంతో విమానం కుదుపులకు గురైంది. అయితే పైలట్ చాకచక్యంగా వ్యవహరించి విమానాన్ని జాగ్రత్తగా మారుమూల ప్రాంతంలో దింపేశాడు.
ఇదే విషయాన్ని చెప్తూ సన్నీ లియోన్ ట్విట్టర్లో సెల్ఫీ వీడియోను పోస్ట్ చేసింది. 'విమాన ప్రమాదం నుంచి తృటిలో తప్పించుకున్నాం. మేం ప్రయాణిస్తున్న విమానం వాతావరణం అనుకూలించక ప్రమాదానికి గురికాబోయింది. అయితే పైలట్ ఎంతో చాకచక్యంగా వ్యవహరించి మమ్మల్ని రక్షించాడు..' అంటూ ఆవీడియోలో పేర్కొంది.
'ప్రస్తుతం మేం మహారాష్ట్రలోని మారుమూల ప్రాంతంలో ఉన్నాం. కారులో ఇంటికి వెళ్తున్నాం. మేము ప్రాణాలతో ఉన్నందుకు దేవుడికి ధన్యవాదాలు..' అంటూ తాను ఎదుర్కొన్న భయానక ఘటనను వివరించింది.
కారులో సన్నీతో పాటు భర్త డేనియల్ వెబర్, మరో ముగ్గురు స్నేహితులు కూడా ఉన్నారు. వారు కూడా తాము ప్రాణాలతో ఉన్నందుకు దేవుడికి కృతజ్ఞతలు తెలిపారు. సన్నీ ప్రాణాలతో బయటపడటంతో ఆమె అభిమానులు ఊపిరిపీల్చుకున్నారు.