కాంగ్రెస్‌కి సుష్మా ట్వీట్ షాక్, హరీష్‌పై వీడియో చిక్కు

న్యూఢిల్లీ: పార్లమెంటు సమావేశాలు ప్రారంభమైన సమయంలో భారతీయ జనతా పార్టీ కాంగ్రెస్ పైన ఎదురు దాడికి దిగింది. లలిత్ మోడీ వ్యవహారంలో సుష్మా స్వరాజ్, వసుంధర రాజే, వ్యాపం కేసులో శివరాజ్ సింగ్ చౌహాన్ రాజీనామా చేయాలని కాంగ్రెస్ పార్టీ కొద్ది రోజులుగా డిమాండ్ చేస్తోంది.

అయితే, బుధవారం బిజెపి ఎదురు దాడికి దిగింది. సుష్మా స్వరాజ్ ఓ ట్వీట్‌తో బాంబు పేల్చారు. కేంద్ర మాజీ మంత్రి సంతోష్ బర్గోడియాకు డిప్లమేటిక్ పాసుపోర్టును ఇప్పించాలని ఓ ప్రముఖ కాంగ్రెస్ నేత తనపై ఒత్తిడి తెచ్చారని ట్విట్టర్‌లో పేర్కొన్నారు.

పార్లమెంటు వేదికగా ఆయన పేరు బట్టబయలు చేస్తానని చెప్పారు. సుష్మా తన ట్విట్టర్ ఖాతాలో ఉదయం ఈ ట్వీట్ చేశారు. ఆయన పేరు చెప్పాలని రీట్వీట్లు వచ్చాయి. తాను పార్లమెంటులో చెబుతానని ఆమె చెప్పారు.

హరీష్ రావత్ అవినీతిపై వీడియో

సుష్మా స్వరాజ్ ట్వీట్ అనంతరం భారతీయ జనతా పార్టీ కాంగ్రెస్ పార్టీ పైన మరో అస్త్రాన్ని బయటకు తీసింది. ఉత్తరాఖండులో అధికార కాంగ్రెస్ పార్టీ ముఖ్యమంత్రి హరీష్ రావత్ పెద్ద ఎత్తున అవినీతికి పాల్పడ్డారంటూ మీడియా ఓ స్టింగ్ ఆపరేషన్ వీడియో విడుదల చేసింది. దీంతో కాంగ్రెస్ చిక్కుల్లో పడింది.

English summary

A day after Congress demanded Sushma Swaraj's resignation, the External Affairs Minister on Wednesday revealed that a senior Congress leader had pressed her hard to give diplomatic passport to a scam accused Congress leader.