దర్శకుడిని హత్య చేసిన తమిళనటికి జీవిత ఖైదు
చెన్నై: తమిళనాడు రాజధాని చెన్నైలో ఓ సినిమా దర్శకుడిని హత్య చేసిన కేసులో తమిళ వర్ధమాన నటికి కోర్టు శుక్రవారం జీవిత ఖైదు విధించింది.
నటి సంగీత 2007 మార్చి 5వ తేదీ రాత్రి వడపళనిలోలోని ఓ లాడ్జీలో దర్శకుడు సెల్వ (40)ను కలిసింది. అతని సినిమాలో ముఖ్యమైన పాత్రను, పెద్ద యెత్తున డబ్బును ఆమె ఆశించింది.
రెండు ఇవ్వలేనని సెల్వ ఆమెకు చెప్పాడు. దాంతో తీవ్రమైన ఆగ్రహంతో సంగీత అతని గొంతు నులిమి చంపి హత్య చేసింది. ఆ తర్వాత పారిపోయింది.
పోలీసు ప్రత్యేక బృందం ఆమెను పట్టుకుంది. ఆమెకు కోర్టు జ్యుడిషియల్ రిమాండ్ విధించింది. ఆ తర్వాత ఆమెకు కోర్టు నుంచి బెయిల్ లభించింది. అయితే, గత ఏడేళ్లుగా ఆమె పరారీలో ఉంది. పోలీసులు నిరుడు ఆమెను పట్టుకుని చార్జిషీట్ దాఖలుచేశారు .
సంగీతకు జీవిత ఖైదుతో పాటు 5 వేల రూపాయల జరిమానా విధిస్తూ అదనపు సెషన్స్ కోర్టు న్యాయమూర్తి చంద్రశేఖర్ శుక్రవారం తీర్పు చెప్పారు.