ఫ్లాట్కు రప్పించుకుని టెకీపై రేప్: పోర్న్ సైట్లో వీడియో, బ్లాక్ మెయిల్..
ఆరిందమ్ నాథ్(28) అనే బెంగళూరుకు చెందిన సాఫ్ట్ వేర్ ఇంజనీర్ సహోద్యోగిపై అత్యాచారానికి పాల్పడ్డాడు.
Recommended Video
బెంగళూరు: పని ప్రదేశంలో మహిళల పట్ల లైంగిక వేధింపులు కొనసాగుతూనే ఉన్నాయి. నయానో.. భయానో.. వారిని లొంగదీసుకుని బ్లాక్ మెయిల్కు పాల్పడుతున్న ఘటనలు పెరిగిపోతున్నాయి. తాజాగా బెంగుళూరులో ఇలాంటి ఘటనే చోటు చేసుకుంది.
వివరాల్లోకి వెళ్తే.. పశ్చిమబెంగాల్ రాష్ట్రానికి చెందిన ఆరిందమ్ నాథ్(28) బెంగళూరులో సాఫ్ట్ వేర్ ఇంజనీర్ గా పనిచేస్తున్నాడు. నగరంలోని ఈజిపురా ప్రాంతంలోని వివేక్ నగర్లో ఆరిందమ్ నివసిస్తున్నాడు. ఒడిశా రాష్ట్రానికి చెందిన ఓ 26 ఏళ్ల యువతి కూడా ఆరిందమ్ పనిచేసే సంస్థలో సాఫ్ట్ వేర్ ప్రొఫెషనల్ గా పనిచేస్తోంది.
ఈ నేపథ్యంలోనే యువతిని ప్రేమ పేరుతో ఆరిందమ్ నాథ్ మోసం చేశాడు. ఓరోజు ఆమెను తన ఫ్లాట్ కు పిలిపించుకున్న ఆరిందమ్ నాథ్.. ఆమెపై అత్యాచారం చేసి దాన్ని సెల్ఫోన్తో రహస్యంగా చిత్రీకరించాడు. ఆపై ఆ వీడియోను పోర్న్ సైట్లలో అప్ లోడ్ చేస్తానని బెదిరిస్తూ పలుమార్లు ఆమెపై అత్యాచారం జరిపాడు. ఇదే క్రమంలో డబ్బుల కోసం ఆమెను డిమాండ్ చేయగా.. అందుకు యువతి నిరాకరించింది.
దీంతో ఆమెపై అత్యాచారం జరిపిన వీడియోను ఆరిందమ్.. పోర్న్ సైట్లో పెట్టాడు. ఈ ఉదంతంపై బాధిత యువతి తన స్నేహితురాళ్లతో కలిసి వచ్చి పోలీసులకు ఫిర్యాదు చేసింది. దీనిపై ఐపీసీ సెక్షన్ 376, 384, 506, 66 ఈ, ఐటీ చట్టాల కింద కేసు నమోదు చేశారు.
పోర్న్ వెబ్ సైట్లో అప్ లోడ్ చేసిన వీడియోను తొలగించారు. నిందితుడు నేరం అంగీకరించడంతో అతన్ని అరెస్ట్ చేశారు. మరోవైపు బాధిత టెకీ ఆత్మహత్యాయత్నానికి పాల్పడగా.. ఆమె స్నేహితురాళ్లు కాపాడారు. ప్రస్తుతం ఆసుపత్రిలో ఆమె కోలుకుంటోంది.