టిక్‌టాక్ వీడియో కోసం దాష్టీకం: బాలుడిని నగ్నంగా నడిపించిన వైనం: ఇద్దరి అరెస్టు

జైపూర్: రాజస్థాన్ రాజధాని జైపూర్‌లో దారుణ ఘటన చోటు చేసుకుంది. టిక్‌టాక్ వీడియో కోసం కొందరు యువకులు 14 సంవత్సరాల బాలుడిని నగ్నంగా నడిపించిన ఉదంతం వెలుగులోకి వచ్చింది. ఆమెను తిడుతూ..బెల్టుతో కొడుతూ ఈ వీడియోను చిత్రీకరించారు. అనంతరం వారు ఆ వీడియోను సోషల్ మీడియాలో అప్‌లోడ్ చేశారు. ఇది కాస్తా వైరల్‌గా మారింది. పోలీసుల కంట్లో పడింది. ఈ ఉదంతాన్ని సుమోటోగా తీసుకున్న పోలీసులు ఇద్దరు యువకులను అరెస్టు చేశారు.

ఈ ఘాతుకానికి ప్రధాన కారణం.. ఆ బాలుడు ఓ మైనర్ బాలికతో టిక్‌టాక్ వీడియోను చిత్రీకరించడానికి ప్రయత్నించడమే. ఈ విషయం తెలుసుకున్న ఆ మైనర్ బాలిక తండ్రి, సోదరుడు అమానుషంగా ప్రవర్తించారు. తన కుమార్తెతో టిక్‌టాక్ వీడియోను తీయడానికి ప్రయత్నించిన ఆ బాలుడిని పట్టుకుని చితక్కొట్టాడు. అతని బట్టలు విప్పించి.. నగ్నంగా వీధుల్లో తిప్పాడు. ఈ సందర్భంగా అతను ఆ బాలుడిని బూతులు తిట్టడం, బెల్టుతో కొట్టడం ఈ వీడియోలో కనిపించింది.

Rajasthan: Youth paraded naked for shooting video with 14-yr-old girl in Jaipur&uploading it on TikTok. Additional DCP Manoj Choudhary says, "After video went viral, girl's father made youth take off clothes&beat him up. Girl has lodged FIR against youth under POCSO&SC/ST Acts". pic.twitter.com/wGIvHVDyDJ

— ANI (@ANI) February 10, 2020

అతని స్నేహితులు తమ మొబైల్ ఫోన్ ద్వారా ఈ ఘాతుకాన్ని తెరకెక్కించారు. అనంతరం దాన్ని సోషల్ మీడియాలో పోస్ట్ చేశారు. ఈ వీడియో వైరల్‌గా మారింది. జైపూర్ నగర పోలీస్ కమిషనర్ ఈ ఘటనపై పూర్తిస్థాయి విచారణకు ఆదేశించారు. నిందితులను వెంటనే అరెస్టు చేయాలని ఉత్తర్వులను జారీ చేశారు. వెంటనే రంగంలోకి దిగిన పోలీసులు ఈ దారుణానికి ఒడిగట్టిన నలుగురిలో ఇద్దర్ని అరెస్టు చేశారు. వారిపై కేసు నమోదు చేశామని జైపూర్ అదనపు పోలీస్ డిప్యూటీ కమిషనర్ మనోజ్ చౌదరి తెలిపారు.

మరో ఇద్దరు పరారీలో ఉన్నారని, వారికోసం గాలిస్తున్నామని అన్నారు. పరారీలో ఉన్న నిందితుల సెల్‌ఫోన్ సిగ్నళ్ల ఆధారంగా వారి గురించి అన్వేషిస్తున్నట్లు చెప్పారు. దీనికోసం రెండు ప్రత్యేక బృందాలను ఏర్పాటు చేశామని తెలిపారు. సుమోటోగా ఈ కేసును స్వీకరించినట్లు వెల్లడించారు. అలాగే మైనర్ బాలికతో టిక్‌టాక్ వీడియోను తీయడానికి ప్రయత్నించిన బాలుడిపైనా కేసు పెట్టామని మనోజ్ చౌదరి చెప్పారు.

English summary

A Jaipur youth was beaten up and paraded naked for making a video with a girl. The video which was posted on social media site TikTok was seen by the girl's family. Enraged by the video, the girl's brother first hit her and then her father beat up the boy before parading him naked around town. The TikTok video, made by the minors, hints at a romantic relationship between the two. When the girl's brother saw it, he was enraged.