ఢిల్లీలో షాకింగ్: వర్దమాన నటిపై గ్యాంగ్ రేప్, ముగ్గురి అరెస్టు
న్యూడిల్లీ: దేశ రాజధాని న్యూఢిల్లీలో ఓ వర్ధమాన నటి, మోడల్ సామూహిక అత్యాచారానికి గురైంది.ఈ కేసులో పోలీసులు ముగ్గురిని అరెస్టు చేసరు. 23 ఏళ్ల ఆమె పలు టీవీ సీరియళ్లలో కూడా నటించింది.
బిహార్కు చెందిన బాధితురాలు మోడలింగ్ కోసం ఢిల్లీకి వచ్చి నివాసం ఉంటోంది ఈ క్రమంలో పలు సీరియళ్లలో చిన్నపాటి పాత్రలు పోషిస్తూ వస్తోంది. ముగ్గురు వ్యక్తులు ఆమెను కలిసి సినిమాల్లో అవకాశం ఇప్పిస్తామని ఆశపెట్టారు.
ముంబైలో ఉన్న ప్రముఖ దర్శకుడు కొత్త వాళ్ల కోసం చూస్తున్నాడని, ఆ దర్శకుడితో సమావేశం ఏర్పాటు చేయిస్తామని నమ్మబలికారు. డిసెంబర్ 25న సరోజినీ నగర్లోని ఓ అపార్ట్మెంట్కు ఆమెను తీసుకెళ్లారు. అక్కడ ఆమెపై అఘాయిత్యానికి పాల్పడ్డారు.
మర్నాడు బాధితురాలు పోలీసులకు ఫిర్యాదు చేసింది. దీంతో పోలీసులు వారిని అరెస్ట్ చేశారు. ఆ తర్వాత వారిని పోలీసులు బెయిల్పై విడుదల చేశారు.