మద్యం మత్తులో కొట్టుకున్న జైలు సిబ్బంది(వీడియో)

న్యూఢిల్లీ: జైలులో ఉన్న ఖైదీలను 24గంటలు అప్రమత్తంగా ఉండి చూసుకోవాల్సిన జైలు సిబ్బంది.. తమ బాధ్యతను మరిచి మద్యం మత్తులో ఊగిపోయారు. ఒకరిపై ఒకరు దాడులు చేసుకుంటూ తమ ఉద్యోగాలు ఊడిపోయేలా చేసుకున్నారు. ఈ ఘటన ప్రముఖ ఖైదీలుండే తీహార్ జైలులో చోటు చేసుకోవడం గమనార్హం.

కాగా, వీరు మందేసి దాడులు చేసుకున్న తతంగమంతా జైలులోని సీసీటీవీ పుటేజీలో రికార్డు అయ్యింది. అంతేకాకుండా అక్కడున్నవారు కూడా కొందరు ఈ ఘటననంతటినీ తమ మొబైల్‌ ఫోన్‌లలో చిత్రీకరించారు.

ఆ వీడియో కాస్తా ఆన్‌లైన్‌లో వైరల్‌గా మారింది. దీంతో ఆ వీడియోని పరిశీలించిన ఉన్నతాధికారులు ఆ ఇద్దరు సిబ్బందిపై ఆగ్రహం వ్యక్తం చేశారు. ఈ ఘటనపై తాము చర్యలు తీసుకుంటామని చెప్పారు. ఆ సిబ్బందిని విధుల నుంచి తొలగించే అవకాశం లేకపోలేదని ఉన్నతాధికారులు తేల్చి చెప్పారు.

English summary

A video of two Tihar jail staffers coming to blows allegedly under the influence of alcohol has gone viral online even as prison authorities said they have initiated the process of suspending the duo over the matter.