కోస్ట్ గార్డ్ విమానం: సముద్రంలో ఆనవాళ్లు
చెన్నై: చెన్నైలో సోమవారం గల్లంతైన కోస్టు గార్డ్ విమానం కోసం అధికారులు చేపట్టిన గాలింపులో కొన్ని ఆనవాళ్లు లభించాయి. సోమవారం రాత్రి 9గంటల తర్వాత రాడార్ నుంచి సంబంధాలు తెగిపోయిన ఈ విమానం కోసం ఇండియన్ కోస్ట్ గార్డ్, నేవీ అధికారులు గాలింపు చర్యలు ముమ్మరం చేశారు.
#ICGDornier
1st
Pic.
Multi-coloured
oil
seen
in
concentric
circles
indicating
oozing
of
oil
in
area
under
focus.
pic.twitter.com/Cr8OQNTw6D
—
Sitanshu
Kar
(@SpokespersonMoD)
June
13,
2015
కాగా, విమానానికి సంబంధించిన సిగ్నళ్లను శనివారం గుర్తించారు. ఇప్పటికే దీని ఆచూకీలో తలమునకలైన ఐఎన్ఎస్ సంధ్యక్.. డోర్నియర్ ఎయిర్ క్రాఫ్ట్ రాడార్ సంకేతాలను గుర్తించటన్లు కోస్ట్ గార్డ్ అధికారులు తెలిపారు. సముద్ర నీటి ఉపరితలంపై మల్టీ కలర్లో ఉన్న ఆయిల్ మరకలను కూడా గుర్తించినట్లు చెప్పారు.
వీటిని పరీక్షల కోసం ల్యాబ్కు పంపామని తెలిపారు. విమానం కూలిపోయి ఉండవచ్చని అధికారులు అనుమానిస్తున్నారు. తమిళనాడు తీరంలో ఉన్న పాల్క్ బే వద్ద నిఘా కోసం ఈ విమానం.. చెన్నై కోస్ట్ గార్డ్ స్టేషన్ నుంచి బయలుదేరి కనిపించకుండా పోయిన విషయం తెలిసిందే.
ఈ విమానం కోసం 10 ఇండియన్ కోస్ట్ గార్డ్ ఓడలు, 4 నావికా దళాలు గాలింపులో ఉన్నాయని ఇండియన్ నేవీ అధికార ప్రతినిధి కెప్టెన్ డికె శర్మ ఇప్పటికే ప్రకటించారు. గల్లైంతన విమానంలో డిప్యూటీ కమాండెంట్(పైలట్) విద్యాసాగర్, కో పైలట్, డిప్యూటీ కమాండెంట్ సుభాష్ సురేష్, నావిగేటర్ ఎంకె సోనీ ఉన్నారు.