హీరో రజనీకాంత్తో టీఆర్ఎస్ ఎమ్మెల్యే భేటి
అధికార టీఆర్ఎస్ పార్టీ ఎమ్మెల్యే రోహిత్ రెడ్డి తమిళ సూపర్ స్టార్ రజనికాంత్ను కలిశారు. చెన్నైలోని రజనీకాంత్ నివాసంలో ఎమ్మెల్యే రోహిత్ రెడ్డితో పాటు ఆయన సతీమణి ఆర్తిరెడ్డిలు రజనీకాంత్ను కలిశారు. అనంతరం పుష్పగుచ్చం ఇచ్చి ఆశీర్వాదం తీసుకున్నారు.
ఈ నేపథ్యంలోనే నమ్మకంతో ఎన్నుకున్న ప్రజలకు సేవచేయాలని రజనీకాంత్ సూచంచినట్టు ఎమ్మెల్యే రోహిత్ రెడ్డి తెలిపారు. ప్రస్తుతం రోహిత్ రెడ్డి అయ్యప్ప మాలలో ఉండగా... రోహిత్ రెడ్డి కుటుంబానికి, రజినీకాంత్కు చాలాకాలంగా సత్సంబంధాలు ఉన్నాయి. గతంలో రోహిత్ రెడ్డి కుటుంబానికి చెందిన పలు ఫంక్షన్లకు కూడా రజనీకాంత్ హాజరయ్యారు.
అయితే రజనీకాంత్ను ఎందుకు కలిశాడనే దానిపై స్పందించిన ఎమ్మెల్యే అది తమ వ్యక్తిగత అంశమని చెప్పారు. హీరో రజనీకి అనేక మంది అభిమానులు ఉన్నారని అందులో తాను ఒకడినని పేర్కోన్నారు. కాగా గతంలో కూడ రజినీకాంత్ను పలుమార్లు కలిసినట్టు సమాచారం.
రోహిత్ రెడ్డి ఇటివల జరిగిన రాష్ట్ర అసెంబ్లీ ఎన్నికల్లో తాండూరు నియోజకవర్గం నుండి కాంగ్రెస్ అభ్యర్థిగా బరిలోకి దిగి టీఆర్ఎస్ అభ్యర్ధి, రాజకీయాల్లో సుదీర్ఘ అనుభవం ఉన్న మాజీ రవాణశాఖ మంత్రి మహెందర్ రెడ్డిపై గెలుపోందాడు.