ప్రియుడి కోసం రోడ్డుపైనే కొట్టుకున్న యువతులు
మీరట్: ఓ యువతి కోసం ఇద్దరు యువకులు కొట్టుకోవడం సినిమాల్లో చూసేవుంటాం. అయితే ఇక్కడ ఓ యువకుడి కోసం ఇద్దరు అమ్మాయిలు నిజంగానే నడిరోడ్డుపైనే కొట్టుకున్నారు. ఈ ఘటన ఉత్తరప్రదేశ్ రాష్ట్రంలోని మాధవపురంలో చోటు చేసుకుంది.
మాధవపురం ప్రాంతానికి చెందిన పూజ అనే యువతి స్థానిక మొబైల్ దుకాణంలో పని చేస్తోంది. పూజ తన స్నేహితుడిని తనకు కాకుండా చేస్తోందని ఆర్థి అనే మరో యువతి ఆరోపించింది.
కాగా, గురువారం పూజ మొబైల్ దుకాణానికి వెళ్తుండగా ఆర్తి ఆమెను అడ్డుకుంది. తన ప్రియుడికి దూరంగా ఉండాలని హెచ్చరించింది. అయితే ఆర్తి మాటలను పూజ పట్టించుకోలేదు. దీంతో ఆగ్రహానికి గురైన ఆర్తి.. పూజను రోడ్డుపైనే కొట్టడం ప్రారంభించింది.
దీంతో పూజ కూడా ఎదురుదాడి చేసింది. ఇద్దరు తీవ్రంగానే కొట్టుకున్నారు. ఈ ఘటనను స్థానికులు చూస్తూ, వీడియోలు తీస్తూ నవ్వుకున్నారు. మరికొందరు వారిని వారించేందుకు ప్రయత్నించారు. కాగా, ఈ వీడియో ఆన్లైన్లో ఇప్పుడు హల్చల్ చేస్తోంది.