షాక్: డిప్యూటీ కలెక్టర్ చెంప ఛెళ్లుమనిపించిన ఎమ్మెల్యే(వీడియో)
రాయ్గఢ్: ఓ డిప్యూటీ కలెక్టర్పై ఎమ్మెల్యే చేయి చేసుకున్న ఘటన మహారాష్ట్రలోని రాయ్గఢ్లో చోటు చేసుకుంది. కర్జాత్ నియోజకవర్గానికి చెందిన ఎన్సీపీ ఎమ్మెల్యే సురేశ్ లాడ్ స్థానిక డిప్యూటీ కలెక్టర్ అభయ్ కల్గుద్కర్ చెంప ఛెళ్లుమనిపించారు.
ఇంటర్నెట్లో ఇప్పుడీ వీడియో హల్చల్ చేస్తోంది. తనను కొట్టవొద్దంటూ ఎమ్మెల్యేను అభయ్ వేడుకుంటున్నా.. ఎమ్మెల్యే రెచ్చిపోవడం గమనార్హం. చేయి చేసుకోవడమే కాదు, డిప్యూటీ కలెక్టర్ను ఎమ్మెల్యే బెదిరించారు కూడా.
WATCH: NCP MLA from Karjat, Suresh Lad slaps deputy collector in his office in Raigad(Maharashtra)https://t.co/9KYa3vrMOi
— ANI (@ANI_news) 17 August 2016
భూ సేకరణ అంశాన్ని చర్చించేందుకు డిప్యూటీ కలెక్టర్ అభయ్ ఓ సమావేశాన్ని ఏర్పాటు చేశారు. ఈ క్రమంలో రైతులకు నష్టపరిహారాన్ని చెల్లించాల్సిన అంశంపై వాగ్వాదం చోటుచేసుకుంది.
ఎమ్మెల్యే సురేశ్ లాడ్ భూమికి కూడా నష్టపరిహారం ఇవ్వాల్సి ఉంది. ఆ అంశాన్ని సీరియస్గా తీసుకున్న ఎమ్మెల్యే.. సదరు అధికారిపై చేయిచేసుకున్నారు.
కాగా, ఆ ఎమ్మెల్యేపై ప్రభుత్వ ఉన్నతాధికారులు తీవ్ర స్థాయిలో ఆగ్రహం వ్యక్తం చేస్తున్నారు. అధికారులకు ఇలాంటి రాజకీయ నేతల నుంచి రక్షణ కల్పించాలంటూ డిమాండ్ చేస్తున్నారు. ఘటనకు సంబంధించి పూర్తి వివరాలు తెలియాల్సి ఉంది.