షాక్: ఎమ్మెల్యే చెంప ఛెళ్లుమనిపించిన లేడీ కానిస్టేబుల్(వీడియో)

షిమ్లా: కాంగ్రెస్ పార్టీ ఎమ్మెల్యే ఆశాకుమారికి చేదు అనుభవం ఎదురైంది. ఓ మహిళా కానిస్టేబుల్‌‌తో దురుసుగా ప్రవర్తించడంతోపాటు ఆమెపై చేయి చేసుకున్నారు. దీంతో ఆ మహిళా కానిస్టేబుల్ కూడా ఆ ఎమ్మెల్యేను తిరిగి చెంప ఛెళ్లుమనిపించారు.

కానిస్టేబుల్ చెంప పగలగొట్టిన ఎమ్మెల్యే

కాగా, పోలీస్ సిబ్బంది ఆ ఎమ్మెల్యేను లోపలికి అనుమతించలేదు. ఈ క్రమంలో ఆగ్రహానికి గురైన ఎమ్మెల్యే ఆశాకుమారి పోలీసులతో వాగ్వాదానికి దిగారు. అంతటితో ఆగకుండా ఓ మహిళా కానిస్టేబుల్‌ చెంప పగలగొట్టారు.

ఎమ్మెల్యే చెంప ఛెళ్లుమనిపించిన లేడీ కానిస్టేబుల్

అయితే, అనూహ్యంగా ఆ లేడీ కానిస్టేబుల్ కూడా తిరిగి ఆ ఎమ్మెల్యే చెంప ఛెళ్లుమనిపించారు. దీంతో ఒక్కసారిగా అక్కడున్నవారంతా ఆశ్చర్యానికి గురయ్యారు. వెంటనే సదరు ఎమ్మెల్యేను నేతలు, కార్యకర్తలు అక్కడ్నుంచి పక్కకు తీసుకెళ్లారు.

#WATCH Shimla: Congress MLA Asha Kumari assaults woman constable, gets slapped back. She was being allegedly denied entry by Police in Rahul Gandhi's review meeting (amateur video) pic.twitter.com/puvMRnHKss

— ANI (@ANI) December 29, 2017

ఎమ్మెల్యే క్షమాపణలు

అనంతరం మీడియాతో మాట్లాడుతూ.. మహిళా పోలీసు కానిస్టేబుల్‌పై చేయి చేసుకున్న ఎమ్మెల్యే ఆశాకుమారి క్షమాపణలు చెప్పారు. అలా ఎందుకు తాను చేయాల్సి వచ్చిందో వివరణ ఇచ్చారు. అదే సమయంలో ఆ కానిస్టేబుల్‌ వ్యవహరించిన తీరుపై తీవ్ర ఆగ్రహం వ్యక్తం చేశారు.

అలా చేయాల్సింది కాదు..

‘ఆమె(మహిళా కానిస్టేబుల్‌) నన్ను తిట్టింది. నన్ను తోసింది. ఆమె నన్ను వెళ్లకుండా నిలువరించింది.. నాకు ఆమె తల్లికున్న వయసు ఉంటుంది. అయితే, ఈ సమయంలో నేను నా సహనాన్ని కోల్పోకుండా ఆగ్రహాన్ని అదుపులో పెట్టుకోవాల్సి ఉండాల్సింది. నేను అందుకు క్షమాపణలు చెబుతున్నాను' అని ఆశాకుమారి తెలిపారు.

English summary

A Congress MLA, stuck in a ruckus in Shimla, was seen on video slapping a woman constable. Not willing to back down, the constable slapped the MLA back.