‘పద్మావతి’ పాటకు డ్యాన్ చేసిన ములాయం కోడలు(వీడియో)
లక్నో: ఇప్పటికే వివాదాలతో దేశ వ్యాప్తంగా సంచలనం సృష్టించిన 'పద్మావతి' చిత్రం మరోసారి వార్తల్లోకి ఎక్కింది. ఈ సారి ఉత్తర్ప్రదేశ్ మాజీ ముఖ్యమంత్రి, సమాజ్వాదీ పార్టీ నేత ములాయం సింగ్ యాదవ్ చిన్న కోడలు ఇందుకు కారణంగా నిలిచారు.
ఎందుకంటే.. అపర్ణ యాదవ్ 'పద్మావతి' చిత్రంలోని 'ఘూమర్' పాటకు డ్యాన్స్ చేశారు. లక్నోలో అపర్ణ తన సోదరుడి నిశ్చితార్థ వేడుకలో ఈ డ్యాన్స్ చేసినట్లు తెలుస్తోంది.
#WATCH Aparna Yadav,daughter in law of Mulayam Singh Yadav performs on the 'Ghoomar' song of #Padmavati at a function in Lucknow pic.twitter.com/3BkCcprJsm
— ANI UP (@ANINewsUP) November 29, 2017
అయితే, రాష్ట్ర ముఖ్యమంత్రి యోగి ఆదిత్యనాథ్ కూడా యూపీలో ఈ సినిమా విడుదలకు ఒప్పుకోలేదు. అలాంటిది ఇదే రాష్ట్రానికి చెందిన మాజీ ముఖ్యమంత్రి కోడలు 'పద్మావతి' చిత్రంలోని పాటకు డ్యాన్స్ చేయడం గమనార్హం. ములాయం సింగ్ కోడలు ఈ చిత్ర పాటకు డ్యాన్స్ చేయడం యూపీలో సంచలనంగా మారింది.
కాగా, సంజయ్ లీలా భన్సాలీ దర్శకత్వం వహించిన ఈ చిత్రానికి పశ్చిమబెంగాల్,మహారాష్ట్ర, కర్ణాటక రాష్ట్రాలు మినహా మిగతా రాష్ట్రాలన్నీ వ్యతిరేకిస్తున్నాయి.
ఈ చిత్రంపై వేసిన మూడో పిటిషన్ను తిరస్కరిస్తూ మంగళవారం సుప్రీం కోర్టు తీర్పు వెలువరించిన సంగతి తెలిసిందే. దాదాపు అన్ని రాష్ట్రాల్లో ఈ చిత్రానికి వ్యతిరేకంగా నిరసనలు వ్యక్తమవుతున్నాయి. అయితే, అదే విధంగా పలువురి నుంచి మద్దతు కూడా లభిస్తోంది.