• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

నాటి షాక్: క్యాస్ట్రోతో ఇందిర ఆలింగనం, మంచి స్నేహితుడిక లేడన్న మోడీ

|

న్యూఢిల్లీ/హైదరాబాద్: క‌్యూబా విప్ల‌వ నేత ఫిడెల్ క్యాస్ట్రోకు మనదేశంతో మంచి అనుబంధం ఉంది. ఈ క్రమంలోనే ఒకసారి భారత్ సందర్శించారు క్యాస్ట్రో. అంతేగాక, నాటి ప్ర‌ధాని ఇందిరాగాంధీని క్యాస్ట్రో త‌న సోద‌రిగా భావించేవారు. 1983లో న్యూఢిల్లీలో జ‌రిగిన ఏడో అలీనోద్య‌మ స‌మావేశానికి క్యాస్ట్రో వ‌చ్చారు. ఆ స‌మావేశాల సంద‌ర్భంగా ఇందిర‌ను క్యాస్ట్రో ఆత్మీయ ఆలింగ‌నం చేసుకోవ‌డం ప్ర‌పంచాన్నే ఆశ్చ‌ర్య‌ప‌ర‌చింది.

ఈ స‌మావేశాల‌కు రికార్డు స్థాయిలో వంద దేశాల‌కు పైగా ప్ర‌తినిధులు హాజ‌ర‌య్యారు. అంత‌కుముందు 1979లో ఈ స‌మావేశాల‌కు ఆతిథ్య‌మిచ్చిన క్యూబా దేశాధ్య‌క్షుడు ఈ స‌మావేశాల్లో ఆ బాధ్య‌త‌లు భార‌త్‌కు అప్ప‌గించారు. త‌న సోద‌రి ఇందిరా గాంధీకి స‌మావేశాల బ్యాటన్‌ను అందించ‌డం త‌న‌కు చాలా సంతోషంగా, గ‌ర్వంగా ఉంద‌ని క్యాస్ట్రో ప్ర‌క‌ట‌న చేశారు.

When Fidel Castro embraced Indira Gandhi in a huge bear hug

ఆ త‌ర్వాత ఆ బ్యాట‌న్ అందుకోవ‌డానికి ఇందిరాగాంధీ.. క్యాస్ట్రో ద‌గ్గ‌రికి వ‌చ్చారు. రెండుసార్లు ఆమె చేయి చాచినా.. క్యాస్ట్రో మాత్రం బ్యాట‌న్ ఇవ్వ‌కుండా న‌వ్వుతూ చూస్తుండిపోయారు. ఆ త‌ర్వాత మూడోసారి బ్యాట‌న్ ఇవ్వ‌కుండా ఇందిర‌ను ద‌గ్గ‌ర‌కు తీసుకొని ఆత్మీయ ఆలింగ‌నం చేసుకోవ‌డంతో ఆమె ఆశ్చర్య‌పోయారు. ఈ ఘ‌ట‌న‌తో స‌మావేశ మందిరం చ‌ప్ప‌ట్ల‌తో మారుమోగిపోయింది. అప్పట్లో ఈ ఘటన ప్రపంచంలో సంచలనంగా మారింది.

మంచి స్నేహితుడ్ని కోల్పోయాం: మోడీ

విప్లవయోధుడు, క్యూబా మాజీ అధ్యక్షుడు ఫిడెల్ కాస్ట్రో మృతిపట్ల భారత ప్రధాని నరేంద్ర మోడీ తీవ్ర సంతాపం వ్యక్తం చేశారు. క్యూబా ప్రజలకు, ప్రభుత్వానికి తన సానుభూతిని ప్రకటించారు. ఈ విషాద సమయంలో క్యూబా ప్రభుత్వానికి తమ సహకారం ఉంటుందన్నారు. పిడెల్ కాస్ట్రో 20వ శతాబ్దపు వీరుడని పొగిడారు. ఆయన మృతితో భారత్ ఒక మంచి స్నేహితున్ని కోల్పోయిందని ట్విట్టర్ ద్వారా పేర్కొన్నారు.

English summary
It's a photograph that defines the zeitgeist of the 1980s. The 1980s of the Cold War and of the astonishing prestige of the (now irrelevant) Non-Aligned Movement (NAM).
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X