మనోహర్ ఖట్టారా.. మజాకా.. కిరీటం పెట్టబోవడమే పాపమా... తల నరుకుతామని బెదిరింపులు....( వీడియో)
చండీగఢ్ : మనోహర్ లాల్ ఖట్టార్.. హర్యానా సీఎంగా తెలుసు. కానీ ఆయన వ్యవహారశైలి ఎప్పుడూ వివాదాస్పదమే. ఇటీవల కర్నాల్ వద్ద సీఎంతో కలిసి సెల్ఫీ తీసుకునేందుకు ప్రయత్నించిన యువకుడిని నెట్టేసిన సంగతి తెలిసిందే. తాజాగా తమ పార్టీకి చెందిన బీజేపీ తల నరుకుతానని సంచలనం సృష్టించారు. ఈ ఘటనకు సంబంధించిన వీడియో ఒకటి సోషల్ మీడియాలో తెగ వైరలవుతుంది.
ग़ुस्सा और अहंकार सेहत के लिए हानिकारक हैं!
— Randeep Singh Surjewala (@rssurjewala) September 11, 2019
खट्टर साहेब को ग़ुस्सा क्यों आता है?
फरसा लेकर अपने ही नेता को कहते हैं -
"गर्दन काट दूंगा तेरी" ⬇️
फिर जनता के साथ क्या करेंगे? pic.twitter.com/hCQJAlG7Sx
ఏం జరిగిందంటే ..
ఇటీవల రాష్ట్రంలో బీజేపీ ర్యాలీ నిర్వహించింది. సభ వేదికపై సీఎం మనోహర్ లాల్ ఖట్టర్ ప్రసంగిస్తున్నారు. ఇంతలో కొందరు కల్పించుకొని గొడ్డలి ఇచ్చారు. దానిని పట్టుకొని రాజసం ఒలకబోశారు ఖట్టర్. తర్వాత వెనక నుంచి బీజేపీ నేత ఒకరు కిరీటం పెట్టే ప్రయత్నం చేశారు. ఇంకేముంది హర్యానా సీఎంకు మండింది. వెంటనే వెనుదిరిగి అతనిపై ఆగ్రహం వ్యక్తం చేశారు. అంతేకాదు తన చేతిలో ఉన్న గొడ్డలిని చూపిస్తూ .. బెదిరించడం మొదలెట్టారు. అయితే ఈ ఘటన అంతా వీడియో రికార్డైంది. అదీ కాస్త సోషల్ మీడియాలో తెగ వైరలవుతోంది.
ఇదీ వ్యుహమా ?
ప్రజల్లో ఉన్న సీఎం ఖట్టార్ .. ర్యాలీలో ... బహిరంగ సభ వేదికపై బీజేపీ నేతతో అనుచిత ప్రవర్తన చర్చానీయాంశమైంది. అంతేకాదు తన శత్రువులను చంపుతానని ఖట్టర్ సంకేతం ఇచ్చారా అనే ప్రశ్న తలెత్తుంది. సీఎం పదవీ కోసం ఎవరైనా పోటీపడితే ... ఊరుకోబోననే సిగ్నల్ ఇచ్చారా అనే రాజకీయ వర్గాల్లో డిస్కషన్కు తెరలేచింది. దీనిపై విపక్షాలు కూడా మండిపడుతున్నాయి.
దేనికి సంకేతం
ఖట్టార్ ప్రవర్తన దేనికి సంకేతం అని కాంగ్రెస్ పార్టీ ప్రశ్నించింది. సభలో బీజేపీ నేతతో ప్రవర్తన సరికాదని ఆ పార్టీ అధికార ప్రతినిధి రణదీప్ సుర్జేవాలా గుర్తుచేశారు. గొడ్డలితో నరుకుతానని బెదిరించడం ఏంటీ అని .. ప్రజాస్వామ్యంలో ఇదేక్కడి వైఖరి అని ప్రశ్నించారు. సభ వేదికపై బీజేపీ నేతను పట్టుకొని .. 'మీరు ఏం చేస్తున్నారు, మీ తల నరకలా అంటే ఆ నేత పక్కకు తప్పుకొన్నారని గుర్తుచేశారు. దీంతో తానేమి తప్పుచేయకున్నా ఖట్టర్కు ఆ నేత క్షమాపణ చెప్పారని తెలిపారు. 'ఆగ్రహం, అహం మనిషికి మంచిది కాదు.. మీకు ఎందుకు కోపం వచ్చింది. ప్రజల మధ్య మీరు జనానికి ఏం చెప్పాలనుకున్నారు అని‘ ట్వీట్లో ప్రశ్నించారు సుర్జేవాలా. అయితే ఖట్టర్ ప్రవర్తన ఇది తొలిసారి కాదు. ఇదివరకు చాలా సందర్భాల్లో మిగతావారితో అతను అనుచితంగా ప్రవర్తించారు.