వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

రాత్రి పబ్ కి వెళ్ళింది.. డ్రింక్ తాగింది.. ఆ తర్వాతే ఏదో జరిగింది?

ఓ యువతి రాత్రి పబ్ కి వెళ్ళింది. అక్కడ ఓ డ్రింక్ తాగింది. అంతే.. ఆ తర్వాత ఏం జరిగిందో ఆమెకు తెలియదు. ఉదయం లేచి చూస్తే తన ఇంట్లో కాక వేరేవాళ్ళ ఇంట్లో ఉంది.

By Ramesh Babu
|
Google Oneindia TeluguNews

బెంగళూరు: ఓ యువతి రాత్రి పబ్ కి వెళ్ళింది. అక్కడ ఓ డ్రింక్ తాగింది. అంతే.. ఆ తర్వాత ఏం జరిగిందో ఆమెకు తెలియదు. ఉదయం లేచి చూస్తే తన ఇంట్లో కాక వేరేవాళ్ళ ఇంట్లో ఉంది. రాత్రి ఎవరో ఇద్దరు యువకులు రోడ్డుపై వదిలేసి వెళ్ళిపోతే.. జాలిపడి తన ఇంట్లోకి ఆ యువతిని తీసుకొచ్చినట్లు ఆ ఇంట్లోని వాళ్ళు చెప్పారు.

గుర్తు చేసుకోవడానికి ఎంత ప్రయత్నించినా ఆ యువతికి ఇంకేమీ గుర్తు రావడం లేదు. ఒళ్ళు నొప్పులు, శరీరంపై అక్కడక్కడా ఉన్న గుర్తులు.. చూసుకుని తాను రేప్ కు గురైనట్లు అనిపించడంతో నేరుగా వెళ్లి పోలీసులకు ఫిర్యాదు చేసింది.

సినిమా కథను తలపిస్తున్న ఈ ఘటన నిజంగానే బెంగళూరులో జనవరి 13న జరిగింది. రెండ్రోజుల అనంతరం జనవరి 15న ఆ యువతి ఇచ్చిన ఫిర్యాదు మేరకు లైంగిక వేధింపుల కేసుగా నమోదు చేసుకుని రంగంలోకి దిగిన బాన్సవాడి పోలీసులు.. ఆర్ధరాత్రి ఆమెను నడిరోడ్డుపై వదిలేసి వెళ్ళిన ఇద్దరు యువకుల ఆచూకీ తెలుసుకునేందుకు ప్రయత్నించారు.

Woman alleges molestation in Bengaluru, 2 arrested

చివరికి ఈ కేసులో రికీ, ఆయూబ్ అనే యువకులను అరెస్ట్ చేశారు. వీరిలో ఆయూబ్ యెమన్ దేశస్తుడు. పోలీసుల విచారణలో ఆ యువతిని తమ కారులో ఎక్కించుకున్నట్లు నిందితులు ఒప్పుకున్నారు.

అయితే దురుద్దేశంతో మాత్రం కాదని, పబ్ వద్ద రాత్రివేళ ఒంటరిగా కనిపించడంతో ఇంటివద్ద దింపాలన్న ఉద్దేశంతోనే ఆమెను తమ కారులో ఎక్కించుకున్నామని వారు చెప్పినట్లు పోలీసులు పేర్కొన్నారు,

కానీ మార్గం మధ్యలో ఆ యువతి పెద్దగా కేకలు పెట్టడంతో ఎందుకొచ్చిన గొడవ అనుకుని.. కమ్మనహళ్లి ప్రాంతంలో ఆమెను రోడ్డుపై వదిలేసి తమ దారిన తాము వెళ్లిపోయామని, ఇదే జరిగిందని ఆ యువకులు చెబుతున్నప్పటికీ.. పోలీసులు మాత్రం వారి మాటలు విశ్వసించడం లేదు.

ఆ యువతి తన ఫిర్యాదులో పేర్కొన్నట్లుగా వారు ఆమెను లైంగికంగా వేధించి ఉంటారనే భావిస్తున్నారు. నిందితులు ఆ రోజు ఉపయోగించిన వాహనాన్ని కూడా పోలీసులు సీజ్ చేశారు. అయితే సదరు యువతి ఆ రోజు రాత్రి పబ్ లో ఏం తాగింది? అది తాగాక జ్ఞాపక శక్తిని ఎందుకు కోల్పోయింది? ఈ ప్రశ్నలకు మాత్రం సమాధానాలు తెలియాల్సి ఉంది.

English summary
The Bengaluru police arrested two men, including one Yemen national,over a complaint of sexual harassment by a woman. The Banaswadi police took up a case of molestation following the complaint on January 15. The woman's inability to recall what exactly happened on the night of the alleged crime is proving to be a challenge for the authorities.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X