షాక్: పరీక్ష కేంద్రంలో యువతుల దుస్తుల్ని బహిరంగంగా కత్తిరించారు
పాట్నా: పోటీ పరీక్ష నిబంధనలకు విరుద్ధంగా ఫుల్ స్లీవ్ దుస్తులు ధరించి హాజరైన యువతుల దుస్తుల్ని కత్తెరలు, బ్లేడ్లతో చింపివేస్తున్న వీడియో ఆన్లైన్లో వైరల్గా మారింది. ఈ విషయాన్ని ఉన్నతాధికారులు తీవ్రంగా పరిగణించారు.
సంబంధిత పరీక్షా కేంద్రంతోపాటు సూపరింటెండెంట్పై జీవితకాలం వేటువేశారు. ఈ ఘటన బీహార్ రాష్ట్రంలోని ముజఫర్పూర్లో చోటు చేసుకుంది. బీహార్ కంబైన్డ్ ఎంట్రాన్స్ కాంపిటటేటివ్ ఎగ్జామినేషన్ బోర్డు(బీసీఈసీఈబీ) శనివారం నర్సింగ్ కోర్టు ప్రవేశ పరీక్షను నిర్వహించింది.
స్లీవ్లెస్ దుస్తుల్ని ధరించాలని అభ్యర్థులకు సూచించింది. ముజఫర్పూర్ జిల్లాలో పలువురు యువతులు ఫుల్స్లీవ్ దుస్తులు ధరించి హాజరయ్యారు. దీంతో పరీక్షా కేంద్రంలో విధులు నిర్వహిస్తున్న సిబ్బంది, ఇన్విజిలేటర్లు యువతుల స్లీవ్స్ను కత్తిరించారు. ఈ ఘటనపై బీహార్ విద్యాశాఖ విచారణకు ఆదేశించింది.