ఖగోళంలో ఆవిష్కృతమవనున్న అత్యద్బుతం : ఈరోజు రాత్రికే..
వాషింగ్టన్ : ఖగోళంలో ఈరోజు ఓ అత్యద్బుతం ఆవిష్కృతం కాబోతుంది. దాదాపు 31 మీటర్ల అడుగుల కంటే పెద్దదైన ఓ ఆస్టెరాయిడ్ భూమికి అత్యంత దగ్గర నుంచి వెళ్లనుంది. భూమికి కేవలం 40,000(24,800మైళ్లు) కి.మీ దూరం నుంచి ఈ ఆస్టెరాయిడ్ తన ప్రయాణం సాగించనుంది.
భారత కాలమానం ప్రకారం ఈ రోజు రాత్రి 11:12 గంటలకు ఖగోళంలో ఈ అద్భుతం జరగనుంది. ప్రస్తుతం చంద్రుడు భూమికి ఎంత దూరంగా అయితే ఉన్నాడో.. అంతకంటే 10 రెట్ల దూరం ఆ ఆస్టెరాయిడ్ భూమికి దగ్గరగా రానుంది. అయితే దీనితో ఓ ప్రమాదం కూడా పొంచి ఉందంటున్నారు నాసా శాస్త్రవేత్తలు. భూమికి దగ్గర నుంచి వెళ్లే క్రమంలో ఆస్టెరాయిడ్ శకలాలు భూమిపై పడే అవకాశం ఉందని చెబుతున్నారు.
ఇదిలా ఉంటే.. సెప్టెంబర్ 17న మరో భారీ ఆస్టెరాయిడ్ భూమికి దగ్గరగా రానుందని చెబుతున్నారు శాస్త్రవేత్తలు. అయితే ప్రస్తుతం భూమికి చేరువగా వస్తోన్న ఆస్టెరాయిడ్ కంటే ఈ ఆస్టెరాయిడ్ 50, 000 కిలోమీటర్ల దూరంగా వెళ్లనుందని నాసా శాస్త్రవేత్తలు ఒక ప్రకటనలో తెలిపారు.