మీరు సూటుబూటు వేసుకున్న వారికే కాపలాదారుడు: మోడీకి కాంగ్రెస్ కౌంటర్

ఎన్నికల వేళ అధికార పార్టీ విపక్షాల మధ్య మాటల తూటాలు పేలుతున్నాయి. బహిరంగ సభల్లో ఒక పార్టీపై మరొక పార్టీ నిప్పులు చెరుగుతుండగా ఇప్పుడు సోషల్ మీడియా వేదికగా కూడా నాయకులు విమర్శలు గుప్పిస్తున్నారు. దీంతో నెటిజెన్లు కూడా తమకు తోచినట్లుగా కామెంట్ చేస్తున్నారు. మరికొందరు కౌంటర్ ఇస్తున్నారు. తాజాగా అధికార బీజేపీ ప్రతిపక్ష కాంగ్రెస్‌ల మధ్య గతకొన్ని రోజులుగా ట్విటర్ వార్ నడుస్తోంది.

Important message to Modi: #IndiaBewakoofNahiHai sabko pata hai you are the one & only #SuitBootKaChowkidaarhttps://t.co/LcyqaQqpKC pic.twitter.com/uXInzqdVvn

— Congress (@INCIndia) March 16, 2019

"మై భీ చౌకీదార్" అనే ఆన్‌లైన్ ప్రచారానికి ప్రధాని నరేంద్ర మోడీ శ్రీకారం చుట్టిన కొద్ది గంటల్లోనే కాంగ్రెస్ కౌంటర్ ఇచ్చింది. ఇండియా బెవకూఫ్ నహిహే, సూట్‌బూట్ కా చౌకీదార్ అంటూ ట్విటర్‌లో హ్యాష్ ట్యాగ్‌తో పోస్టు చేసింది. అంటే ప్రధాని మోడీ తాను భారత్‌కు వాచ్‌మెన్ అని చెప్పడంతో కాంగ్రెస్ కౌంటర్ ఇచ్చింది. భారతదేశంలోని ప్రజలు నమ్మేందుకు అమాయకులు కాదని మోడీ కేవలం సూటు బూటు వేసుకున్న వారికి మాత్రమే కాపలాదారుడని కౌంటర్‌కు దిగింది. ఇక ప్రధాని మోడీ అనిల్ అంబానీ, గౌతమ్ అదానీల బాగుకోసమే కృషి చేశారని ట్విటర్ వేదికగా విమర్శలు గుప్పించింది.

Defensive tweet Mr Modi!

You feeling a little guilty today? pic.twitter.com/ztVGRlc599

— Rahul Gandhi (@RahulGandhi) March 16, 2019

ఇదిలా ఉంటే రాహుల్ గాంధీ మాత్రం మరో అడుగు ముందుకేసి అనిల్ అంబానీ, నీరవ్ మోడీ, మెహుల్ చోక్సీ, విజయ్ మాల్యలతో మోడీ ఉన్న ఫోటోను ట్విటర్ లో పోస్టు చేశారు. ఇదిలా ఉంటే శనివారం ఉదయం ప్రధాని మోడీ ఓ వీడియోను ట్వీట్ చేశారు. అందులో ప్రజలు నేను కూడా దేశానికి కాపలాదారుడునని చెబుతున్నట్లుగా ఉంది. గతంలో ప్రధాని చెప్పిన విషయాలను మరోసారి వినిపించారు. దేశానికి తాను కాపలాదారుడిగా ఉంటానని, ప్రజలకు సేవకుడిగా ఉంటానన్నారు.

అంతేకాదు అవినీతిపై పోరాటం చేస్తామని కూడా చెప్పారు.ఉగ్రవాదాన్ని దేశంనుంచి తరిమి కొడతామని మోడీ చెప్పారు. మోడీ చెప్పిన మాటలను కాంగ్రెస్ విమర్శలతో తిప్పికొడుతోంది. కేవలం సూటు బూటు వేసుకున్నవారికి మాత్రమే మోడీ కాపలాదారుడిగా ఉన్నారని... ఇక అవినీతి విషయానికొస్తే మోడీ రాఫెల్‌లో పెద్ద ఎత్తున అవినీతికి పాల్పడ్డారని విమర్శించింది కాంగ్రెస్ పార్టీ.

English summary

Just hours after PM Narendra Modi launched his latest campaign with the hashtag #MainBhiChowkidar , the Congress hit back with hashtags #IndiaBewakoofNahiHai and #SuitBootKaChowkidarIn its tweet, Congress alleged that all PM Modi has done is to help big industrialists like Anil Ambani and Gautam Adani.