లైవ్‌షోలో ఘోరం: నిప్పంటించుకొని, కౌగిలించుకున్నాడు

లక్నో: ఎన్నికల లైవ్ షోలో ఓ యువకుడు తనకు తాను నిప్పంటించుకొని... అక్కడే ఉన్న బహుజన సమాజ్ పార్టీ (బిఎస్పీ) అభ్యర్థిని కౌగిలించుకొన్న సంఘటనలో ఇద్దరికి తీవ్ర గాయాలైన సంఘటన ఉత్తర ప్రదేశ్ రాష్ట్రంలో సోమవారం జరిగింది. యూపిలోని సుల్తాన్ పుర్ పోలీస్ స్టేషన్ పరిధిలో ఇది జరిగింది.

దూరదర్శన్ జనమంచ్ లైవ్ కార్యక్రమంలో భాగంగా.. సుల్తాన్ పుర్‍లోని టికోనియా పార్కులో సోమవారం సాయంత్రం నాయకులు మాట్లాడుతున్నారు.

ఈ సమయంలో దుర్గేష్ కుమార్ సింగ్ అనే యువకుడు తన పైన పెట్రోల్ పోసుకొని నిప్పు అంటించుకున్నాడు. అక్కడే ఉన్న బిఎస్పీ అబ్యర్థి కమ్రుజమ్మ ఫౌజిని కౌగిలించుకున్నాడు.

ఈ ఘటనలో వీరిద్దరికి తీవ్ర గాయాలు అయ్యాయి. వెంటనే వారిని జిల్లా ఆసుపత్రికి తరలించారు. దుర్గేష్ మౌ జిల్లాకు చెందిన వ్యక్తిగా తెలుస్తోంది. ఇతను టికోనియా పార్కు దగ్గర్లోని హోటల్లో ఉంటున్నాడు. అతను ఎందుకు అలా చేశారనే విషయం ఇంకా తెలియరాలేదు.

English summary

A youth on Monday set himself on fire and later embraced a BSP leader during the shooting of a TV poll programme in Sultanpur, police sources said.