ఒక్క లెటర్ కు 20 కోట్లు.. వేలంలో భారీ ఆఫర్.. ఎవరిదో తెలుసా?

న్యూయార్క్‌ : విశ్వ ప్రఖ్యాత ఐన్‌స్టీన్‌ మరోసారి వార్తల్లో నిలిచారు. ఆయన రాసిన "గాడ్ లెటర్" ఇప్పుడు ప్రాధాన్యత సంతరించుకుంది. 1954 జనవరి 3వ తేదీన రాసిన ఆ రెండు పేజీల లేఖ భారీ ధర పలకడం విశేషం. అమెరికాలో క్రిస్టీస్ సంస్థ వేలం వేసిన ఈ లెటర్ దాదాపు 20 కోట్ల (2.89 మిలియన్ డాలర్లు) రూపాయల ధర పలికింది. వాస్తవానికి "గాడ్ లెటర్" 1.5 మిలియన్ డాలర్లు పలుకుతుందని ఆ సంస్థ అంచనా వేసింది. అనూహ్యంగా భారీ ధర పలికి వారి అంచనాలు తారుమారు చేసింది.

ఐన్‌స్టీన్‌ చనిపోవడానికి ఒక సంవత్సరం ముందు రాసిన లేఖ ఇది. మతం, దేవుడు అనే అంశంపై తన అభిప్రాయాలు, ఆలోచనలు ఆ లేఖలో పొందుపరిచారు. జర్మన్ ఫిలాసఫర్ ఎరిక్ గుట్కైండ్ తాను రాసిన ఓ పుస్తకాన్ని ఐన్‌స్టీన్‌ కు పంపించిన సమయంలో ఈ లెటర్ ను ఆయనకు పంపించారు. దేవుడు అనే పదం వ్యక్తీకరణ అని, భావజాలమని.. మనుషుల బలహీనతల్లోంచి వచ్చిన పదమని ఆ లేఖ సారాంశం.

English summary

The "God Letter" written by the world famous Einstein paid Rs 20 crores ($ 2.89 million). The two-page letter written on January 3, 1954, was a huge price tag.