అమెరికాలో ఒకే రోజులో 83 వేల కొత్త కోవిడ్ కేసులు... సెకండ్ వేవ్ మొదలైందా?
అమెరికాలో కరోనావైరస్ కేసుల సంఖ్య ఒకే రోజులో ఎన్నడూ లేనంతగా పెరిగింది. శుక్రవారం నాడు 83,010 కొత్త కేసులు నమోదయినట్లు కోవిడ్ ట్రాకింగ్ ప్రాజెక్ట్ తెలిపింది. రోజువారీ కేసుల సంఖ్యలో ఇది కొత్త రికార్డు.
దేశంలో ఆస్పత్రుల్లో చేరుతున్న వారి సంఖ్య క్రమంగా పెరుగుతోందని అమెరికా సర్జన్ జెనరల్ జెరోమ్ ఆడమ్స్ హెచ్చరించారు. అయితే, మెరుగైన చికిత్స విధానాల మూలంగా మరణాల రేటు తగ్గుతోందని ఆయన తెలిపారు.
ప్రపంచ ఆరోగ్య సంస్థ కూడా, ఉత్తరార్థ గోళంలోని దేశాలకు ఇది అప్రమత్తంగా ఉండాల్సిన సమయం అని హెచ్చరించింది.
"రాబోయే కొన్ని నెలలు మరీ కీలకంగా కనిపిస్తున్నాయి. కొన్ని దేశాలు ప్రమాదం అంచున ఉన్నాయి" అని డైరెక్టర్ జనరల్ టెడ్రోస్ అధనామ్ గెబ్రియెసస్ విలేఖరులతో అన్నారు.
కోవిడ్ ట్రాకింగ్ ప్రాజెక్ట్ లెక్కల ప్రకారం ఇప్పటివరకు అమెరికాలో మొత్తంగా దాదాపు 85 లక్షల కరోనా కేసులు నమోదయ్యాయి. జూలై 17న ఒకే రోజు 76,842 కొత్త కేసులు నమోదయ్యాయి. శుక్రవారం నాటి కేసుల సంఖ్య ఈ రికార్డును దాటేసింది. జూలై తరువాత మళ్లీ ఈ నెలలో అత్యధికంగా ఒకే వారంలో 4,44 లక్షల కొత్త కేసులు నమోదయ్యాయి.
అంతేకాకుండా, గత ఆరు రోజులుగా మరణాల సంఖ్య కూడా పెరుగుతోంది. అయితే, రోజుకు 2,000 పైచిలుకు మరణాలు సంభవించిన ఏప్రిల్ నెలతో పోల్చితే ఇప్పుడు కరోనా మృతుల సంఖ్య చాలా తక్కువే ఉంది.
ప్రధానంగా నార్త డకోటా, మోంటానా, విస్కాన్సిన్ రాష్ట్రాలలో కోవిడ్ ప్రభావం తీవ్రంగా కనిపిస్తోంది.
ఇవి కూడా చదవండి:
- ప్రపంచంలో అత్యంత అరుదైన కోతుల్ని కాపాడిన ఒక చిన్న ఐడియా
- 'ఈ మందు వాడిన కరోనా రోగులు 10 రోజుల్లోనే కోలుకుంటున్నారు’.. రెమెడెసివీర్కు పూర్తి అనుమతులు ఇచ్చిన అమెరికా
- దసరా ఆఫర్లు: భారీ డిస్కౌంట్ల వెనుక మతలబు ఏమిటి? వీటిని మనం నమ్మవచ్చా?
- కరోనావైరస్ - ఏపీ, తెలంగాణ రంగస్థల కళాకారులు: "నాటకాలు వేయకపోతే మేం శవాలతో సమానం"
- కరోనావైరస్: మోదీ చెప్పినట్లు దేశంలో రోజుకు 10 లక్షల టెస్టులు చేయడం సాధ్యమేనా...
- కరోనావైరస్ చిట్కాలు: మిమ్మల్ని మీరు ఎలా కాపాడుకోవాలి? వైరస్ వ్యాప్తిని ఎలా అడ్డుకోవాలి?
- కరోనావైరస్: భారత్లో కోవిడ్ సామాజిక వ్యాప్తి లేదా? అధికారులు ఎందుకలా చెబుతున్నారు?
- గ్రామాల్లో కరోనా వైరస్ విజృంభణ.. తెలుగు రాష్ట్రాల్లో సామాజిక వ్యాప్తికి ఇది సంకేతమా
- భారతదేశంలో సామాజిక రుగ్మతలా మారుతున్న కరోనావైరస్.. దీన్ని తొలగించడం ఎలా?
- సెక్స్ వర్కర్లు ఆ దేశంలో రెయిన్ కోట్ ఎందుకు వేసుకుంటున్నారు?
(బీబీసీ తెలుగును ఫేస్బుక్, ఇన్స్టాగ్రామ్, ట్విటర్లో ఫాలో అవ్వండి. యూట్యూబ్లో సబ్స్క్రైబ్ చేయండి.)